من ساهم في محفظة العضو نايف ؟؟

140 thoughts on “من ساهم في محفظة العضو نايف ؟؟”

1. السلام عليكم ورحمه الله

   اخواني شكرا لكم على فتح الموضوع وعلى السؤال عن المحفظه

   والشكر لاخواني اللي تكلموا عن المحفظه والحمدالله كل اللي معانا يستلمون شهريا وبالتاريخ المحدد

   عموما كثر الكلام عن المحفظه واليتها وانا اذكر من فتره طويله كتبت اليه عمل المحفظه بس الظاهر مع تجديد القسم اختفت الاليه ودخولي الحين بيكون سريع عشان اشرح الاليه لتوضيح اللبس على بعض الاخوان وان شالله تكون الاليه واضحه لهم ولاي سؤال طبعا لاتترددون بالاستفسار ..

   اولا الشركه مرخصه من وزاه التجاره والاقتصاد
   ثانيا موضوع الارباح كيف تتوزع وليش ناخذها من المساهمين ياليت تركزون معاي الحين لان بشرح هالشي بالضبط وبطريقه مطوله نسبيا عشان الكل يقدر يفهمها فياليت تنتبهون لها ومثل ماقلت لاي سؤال عادي

   اليه عمل الشركه :

   يتم توقع عقد لدى محامي قانوني على اساس تاسيس شركه راس مالها مليون درهم ( ولايكون العقد عباره عن توظيف اموال) لان توظيف الاموال مافي عليها تصريح اصلا .. ويكون العقد عقد شركه محاصه وهو عقد معمول فيه بقوانين جميع الدول الخليجيه والعربيه ويمكن اثباته بالشهود ويمكن الاطلاع عليه بالرجوع لاي موقع من مواقع غرف التجاره والصناعه او وزارات الاقتصاد لدول الخليج او الذهاب شخصيا او الاتصال بهم ..

   الكثير يسال ليش مدراء المحافظ ماياخذون سلفه وقروض من البنك وتكون بنسبة ارباح اقل حيث ان البنك ماياخذ اكثر من 15% سنويا كحد اقصى بينما احنا ندفع 8% شهريا + 30% سنويا كحد ادنى بالنسبه للمحفظه اللي معاي

   السبب الله يسلمكم ان عند اخذ سلفه من البنك كم بيكون اقصى حد .؟؟ بيكون مايتعدى مليون او ثلاثه ملايين بهالحاله لان بتكون بدون دفعات مقدمه او مسبقه وبتكون نقدا فتمويل البنك شي طبيعي بيكون قليل نسبيا وفي احسن الاحوال ماراح يتعدى عشره ملايين

   الحين الله يسلمكم بنتكلم عن كيفيه تحقيق ارباح شهريا توصل ل8 % + ارباح سنويه

   (( عند توقيع العقد بمليون درهم مثلا يكون المساهم ساهم بقيمة مية الف درهم فتكون مساهمه الطرف الاول اللي هو انا او الشركه بقيمة 900 الف درهم ))

   اللي يحصل بهالحاله ان المليون ندفعها للبنك كدفعه اولى لشراء عماره او ارض او عده بيوت او شقق

   ويكون المليون عباره عن 10% من قيمة التمويل للشراء .. طبعا كلنا نعرف ان الكثير من البنوك تمول بعد دفع نسبة عشره بالميه صح

   فبهالحاله بيكون التمويل عندنا بقيمة عشره ملايين ..

   الحين ياليت تركزون معاي شوي لان الموضوع بيصير كله ارقام في ارقام

   عشره ملايين يتم شراء عقار فيها بمردود شهري بما يقارب 1% – 2% ..

   1% -2% اللي هي العائد من العشر ملايين بتكون تساوي = 100 الف – 200 الف

   هالرقم اللي هو مابين 100 الف – 200 الف يساوي في الاساس مابين 10% – 20% من مبلغ المساهمه الاساسي صح اخواني

   للحين مركزين معاي ان شالله يعني الحين قلنا ان صرنا نحقق شهريا على مبلغ المساهمه مايقارب 10 – 15% شهريا صح ..

   لان احنا كان عندنا مليون واحد بس وخذنا عليه تمويل بقيمة عشره ملايين صح

   وطلع لنا عائد شهري بقيمه واحد الى اثنين بالميه من العشره ملايين فهي بالوقت نفسه تساوي عشره الى عشرين بالميه من قيمة المساهمه الاساسي ..

   الحين نقول طلعنا لنا بمتوسط تقريا 150 الف شهريا بتتوزع 80 الف على المساهمين واللي هي تساوي 8 % من قيمة الارباح الشهريه لان

   كل مليون يكون عليه ثمانين الف ربح شهري صح ..

   والباقي طبعا بيروح كقسط للبنك لان احنا في الاساس ماخذين تمويل من البنك للشراء وعشان تصير عندنا ارباح تغطي 8% شهريا

   ويبقى في النهايه مبالغ خفيفه من بعد التوزيع الارباح ودفع الاقساط وهالمبالغ يعاد استثمارها مره ثانيه في مشاريع عقاريه خفيفه كالوساطه العقاريه او ادارة العقارات وعلى اساسها نقدر نوزع الربح السنوي اللي يكون مابين 30% – 70% سنويا..

   هالاليه طبعا هي جزء من العمل في تحقيق الربح الشهري والسنوي لكن طبعا في اليات كثيره ثانيه ماشرحتها هني لان هالاليه كافيه لتببين مصدر الربح واليته كيف ..

   فياليت الاخوان يقرون بتركيز وانتباه سواء اللي يبون يساهمون وحتى اللي مايبون يساهمون والبنك يعطيهم تمويل يقدرون يستعملون هالطريقه لان بتفيدهم كثير ان شالله وفي النهايه بيتملكون عقار بعد وبيسددون قيمته وهم ربحانين

   فببساطه هااذي هي اليه الربح من المحافظ العقاريه واتمنى تكون صورتها واضحه لكم وانا ماكتبتها لكم كدعايه لي لاني اصلا نفسي اخبر المساهمين انا مابى ادخل المنتدى كثير عشان لايكون دخولي كدعايه لي او غيره خصوصا ان اغلب رؤساء مجالس ادارة الشركات او المدراء العامين مايدخلون بصفتهم الشخصيه على الانترنت والمنتديات دوم يدخلون باسماء مستعاره يشوفون الوضع ويطلعون عن اي اشكال وغيره.

   لكن بما ان الاليه انمسحت قلت اكتبها مره ثانيه عشان الكل يعرفها وأي احد بعد يقدر يستفيد منها لنفسه وعشان بعد اكتب بعض من افكاري السابقه اللي انمسحت عشان غيري يستفيد منها ان شالله

   اخواني اي احد يشوف عيب او نقص في الاليه يخبرنا عشان يفيدنا بس ياليت ماشوف نقد بدون توضيح بس لمجرد ان هاذي اليه ونبي نغلطها .. فالمهم ان النقد واختلاف الراي يفيد الكل ان شالله

   وبالنسبه للبنوك ليش ماتسوي هالاليه.. ترى الكل يسوي هالاليه عيل شلون تسمع ان في بنوك تحقق سنويا ارباح تتعدى 100% او 300% واكثر بعد ترى لان البنوك تسوي هالاليه وفي نفس الوقت تسوي اليات كثيره منها اعطاء القروض واللي فيها ربح سنوي مايقارب عشرين بالميه وغير جذي الاستثمار في العقار والاستثمار في اسواق الاتصال والغذاء والنقط والذهب واوراق المال ..

   شي طبيعي ان الكل يستثمر في اكثر من جهه عشان ينوع سلة المخاطر ولهالسبب بعد احنا نحب نزيد راس مالنا عشان ننوع سلة الاستثمار والمخاطر مما يحقق في النهايه استثمار امن وبمردود اكبر

   اتمنى اخواني ان الصوره واضحه وسمحوا لي على الاطاله بس لان وقتي مايسمح اني ادخل كل يوميا وارد على الاسئله فحبيت اكتب لكم الاليه بالتفصيل الممل

   اخواتي اخواني مره ثانيه اشدد عليكم ياليت تقروون الاليه بتركيز وبالتفصيل عشان تستفيدون منها سواء لنفسكم او لغيركم لان حتى انتوا اذا بديتوا فيها بنفسكم تقدرون في خلال كم سنه ان شالله تصيرون من اصحاب العقارات والشركات بطريقه ان من عقار لعقار ومن شركه لشركه وخطوه بخطوه الكل يوصل ان شالله فياليت القراءه بتركيز وانتباه

   والشكر مره ثانيه لكل اللي سالوا ولكل اللي ردوا عليهم والله يعطيكم العافيه ويوفق الجميع ان شالله ومبارك عليكم الشهر اخواني

2. ياليت حد يجاوبنا على اسئلة الأخوان عشان نطمن

   انا كنت بدخل والحين ترددت

   ياليت نلقى توضيح

3. 
   انا بصراحه محتاج حد يقنعني كيف فايده 8 % شهريا

   مثال:

   اذا شخص ساهم بمبلغ 100,000 درهم بفائده 8% شهريا = 100,000 * 8% = 8000 درهم شهريا

   8000 شهريا * 12 شهر = 96,000 درهم سنويا يعني الفايده السنويه = 96 %

   وهذا هالكلام لا ينطبق على اي محفظه عقاريه في العالم انج تربح تقريبا 100% من راس مالك سنويا خصوصا ان الاستثمار العقاري اقل القطاعات خطوره واقلها مردود

   مثال على ذالك اذا شخص بنا بيت بـ 1,5 مليون فأنه يتوقع ان يسترد تكاليف البناء في 10 سنوات

   يعني 10% سنويا = 1,5 مليون * 10% = 150 الف الايجار المتوقع سنويا لاسترداد راس المال وبعد الـ 10 سنوات يبداء في تحقيق الارباح

   من هذا المثال نستدل على ان راس المال مضمون في الاستثمار في العقار ولكن الربح قليل ويحتاج الى وقت طويل

   الحين السؤال :

   كيف استطاع الاخ نايف يعطي ربح شهري 8% مع ضمان راس المال؟ مادري. وانا اتحدى اذا كان هذا النوع من النشاط يسير بطريقه صحيحه ونظيفه. لماذا؟

   لان جميع البشر كبار وصغار غني وفقير بيخلون جميع انواع التجاره وبيشتركون في محفظة نايف حتى البنوك بتستثمر عنده لان البنك ياخذ 6 % سنويا يوم يسلف حد فاليش ما يعطي فلوسه لنايف الي بيعطيه 96% سنويا.

   انصح جميع الاخوه والاخوات عدم الاشتراك في اي نشاط غير مرخص من وزارة الاقتصاد وشكرا”

   والله من وراء القصد

   كلام منطقي جدا
   لكن المطلوب من الاخ نايف او من يعمل معه توضيح الية العمل و كيف ان 100 الف تربح 8 الاف شهريا
   يعني ابسط سؤال ليش الاخ نايف ما ياخذ قرض من البنك بفائدة 10 % و ويفر على نفسه 86 الف في السنة للشخص الواحد

4. مرحبا

   اختي أمل الامارات انا شارك في شهر 5 لي طاف وحمدالله استلم شهريا ربح بقدر 8% من راس المال الي دخلت فيه

   وحمدالله استلم كل شهر عقب تاريخ العقد الي بيني وبين الشركه

   
   انا بصراحه محتاج حد يقنعني كيف فايده 8 % شهريا

   مثال:

   اذا شخص ساهم بمبلغ 100,000 درهم بفائده 8% شهريا = 100,000 * 8% = 8000 درهم شهريا

   8000 شهريا * 12 شهر = 96,000 درهم سنويا يعني الفايده السنويه = 96 %

   وهذا هالكلام لا ينطبق على اي محفظه عقاريه في العالم انج تربح تقريبا 100% من راس مالك سنويا خصوصا ان الاستثمار العقاري اقل القطاعات خطوره واقلها مردود

   مثال على ذالك اذا شخص بنا بيت بـ 1,5 مليون فأنه يتوقع ان يسترد تكاليف البناء في 10 سنوات

   يعني 10% سنويا = 1,5 مليون * 10% = 150 الف الايجار المتوقع سنويا لاسترداد راس المال وبعد الـ 10 سنوات يبداء في تحقيق الارباح

   من هذا المثال نستدل على ان راس المال مضمون في الاستثمار في العقار ولكن الربح قليل ويحتاج الى وقت طويل

   الحين السؤال :

   كيف استطاع الاخ نايف يعطي ربح شهري 8% مع ضمان راس المال؟ مادري. وانا اتحدى اذا كان هذا النوع من النشاط يسير بطريقه صحيحه ونظيفه. لماذا؟

   لان جميع البشر كبار وصغار غني وفقير بيخلون جميع انواع التجاره وبيشتركون في محفظة نايف حتى البنوك بتستثمر عنده لان البنك ياخذ 6 % سنويا يوم يسلف حد فاليش ما يعطي فلوسه لنايف الي بيعطيه 96% سنويا.

   انصح جميع الاخوه والاخوات عدم الاشتراك في اي نشاط غير مرخص من وزارة الاقتصاد وشكرا”

   والله من وراء القصد

5. والله يعافيج يا اختي امل ^__^ وبالتوفيق ان شاءالله

   وقريبا بيفتح الاخ نايف فرع للشركه في الامارات

Comments are closed.