السلام عليكم
مع احترامي للجميع اسفه على طرح الموضوع بس لان الموضوع زاد عن حده حتى اصبح انك ما تشوف الا عدد قليل من البنات المحترمات في السناتر
تركنا جميع معاني الحياء حتى انهن اصبحن يطفلن على ريايلنا
صغار في عمر العشرين تطلع بكامل زينتها من ميكب ( اهم شيء الروج الاحمر والا الفوشي ) لزوم الكشخه وتساريح الهضبه وكعوب ما اعرف كيف تمشي المول كله على الكعب الدبوس
طلعت ظاهره البنطلون الجينز ( الاسكيني ) ورفع العباة من جهه ( والله استحقرهم ) والشنطه اللي اكبر عن شنطة السفر
دايماً اسأل نفسي هل هاذيل كلهم بدون اهل يعني بدون اخوان بدون والدين يشوفون لبسهم قبل لا يطلعون
كل ما تي فتره يدمرن البنات اكثر ليش ما وراهن لا حسيب ولا رقيب !
ودي بلفته للشباب اللي يدورون وراء ها البنات اقولكم اللي عارضه نفسها لك تراها عارضه نفسها لغيرك والله اعلم شو من المصايب اللي ممكن تييب لك اياها !
هل معقول
انه تطلع اختك والا بنتك من باب البيت بس للتسكع في المولات بدون هدف ؟
موضوع قاهرني من زمان وين الغيره وين الحشمه
مهما قلنا او سوينا نفس الشي
لازم نسوي شرات ما يسوون هل السعوديه اي وحده تظهر بدون حشمه على طوول ع الهيئه ع قولتهم
يعني فمركز الشرطه
والله حرام بنات صغار ويضيعن بسبب هالسوالف
لازم الوحده تعرف تختار ربيعتها لان ها اكبر سبب يخليها تدخل في هالسوالف
الله يصلح حالهن ويهديهن
أكره أسير المولات والسبب هالاشكال الله يعافينا..
وكل مره من سىء إلى أسوأ..
ماتروم تتمشى ويا هلك على راحتك…الا وخطفن من عدالك …ياكلون الواحد بعيونهم !!
استوت هالمناظر مألوفه في المولات ….عـــــــادي …..
الله يصلح حالنا يا رب ..
اعتذر منك عزيزتي
لكن ما زلنا في رد البدائي واللي يقول
هذول مب مواطنات
استغرب من هذا الرد اللي ينسرد في كثير من تلك المواضيع
لكن الحقيقه انا شفت وحده بكامل زينتها تمشي ويا أبوها ما أدري كيف نفسية الأب وهي تمشي وياه !!!!!
اللع يهديج شو صغار
والله انهم بالغات وواضح وضوح الشمس
ومايحتاي اقولكم الادله
وين الرقابه ها اللي ابا اعرفه وين الاهل معقوله كلهم مقطوعين من شجره
اشكر مرورك