بداية القصه بعد رحلة لمدة ساعتين بالباص وصلنا الى مطار جده على الساعه السادسه مساءا وكان موعد طائرتنا الساعه 9 مساء . بدانا اجراءت السفر بعد وقوف في الصف حوالي الساعه منتظرين اجراءات الجوازات . طبعا هالانتظار بحجة ان في ناس من رحله ثانيه بعدهم ما وصلوا المطار ولازم يخلصونهم بالاول وبعدين احنا ندحل.
انتهت الساعه الاولى وبعدين خلصنا الجوازات ودخلنا.
وصلنا الطابق الاول وشفنا مجموعات ضخمه من الحجاج الاماراتيين والعمانيين يفترشون الارض . سالناهم شوا السالفه فقالولنا انهم في المطار من الساعه التاسعه صباحا والمجموعه الثانيه من الساعه الحاديه عشر صباحا وما شيء اي خبر عن طائراتهم .
صارات الاعداد بالالاف . حاولنا الحصول الاجابه من المسؤولين في المطار دون جدوى كل حد يقول ما يدري شو السالفه .
القنصل العماني وصل وايضا ما قدر يتوصل لحل من اجل نقل العمانيين العالقين من الصبح وما حصل غير اجابه من العسكرينين انهم ما يعرفون شو السالفه.
الساعات تمر والاماراتيين في حيره بدؤا بالاتصال بالمسؤولين الاماراتين خاصة بعد سقوط عدد من السيدات بسبب حالتهم الصحيه خاصة ان المكان كان شديد البروده ويوم طلبنا تخفيض المكيفات الجواب كان انهم ما يقدرون يخفضون المكيفات ! الحمدالله وصلت البعثه الطبيه الاماراتيه لعلاج المرضى.
حوالي الساعه الثانيه عشر ه وصل القنصل الاماراتي وتحدثنا معه بس كان المكان شديد الفوضى والريال ما قصر وكان يحاول انه يقدم اي حل بس للاسف ما شيء طيارات والواضح ان الطيران السعودي يقدم رحلات وهميه وما عندهم طائرات كافيه .
مرت الساعات الطويله والاعداد تتزايد صرنا منتظرين ثلاث طائرات وكل طائره حوالي الالف راكب الناس تعبانه ونايمه في الممرات والماي ماشيء .
بين الساعه الثانيه الى الثالثه صباحا تفاجانا ان سلطة المطار ترسل حجاج باكستانيين بالمئات الى نفس بوايتنا لتبدا مشكلة جديد . القاعه مليئه بالاماراتيين من الرجال والنساء فكيف يسمحون للباكستانيين بالدخول فحاولنا انفهم الباكستانيين بالانتظار بالخارج بس فجاه الباكستانيين اتوحشوا وبدؤا بالصراخ العالي ويبون يهجمون علينا يعني لو شفتوا الموقف كان ممكن يصير موقف دموي صرنا نحاول نهديهم بس هم مصرين بالصريخ ويرفعون اياديهم وطبعا ولا عسكري اتحرك يدارك الموقف. بس بعض الاخوه الاماراتيين جزاهم الله خير استمروا في تهدات الوضع وفهموهم بلغتهم عن مشكلتنا من البدايه والحمدالله انتهت المشكله بالتصافح
وصلت طائره كويتيه على نفس البوابه فشاف الكابتن العالم مفترشه الارض فقال للسعوديين ان ما يقدر يستقبل ركاب الطائره الكويتيه والاماراتيين بالمائات مفترشين الارض وهنا صاروا في مشلكه ثانيه .
عاالساعه الرابعه قالوا طائرتكم وصلت . فاعتقدنا خلاص انحلت المشكله وطلعنا الباص الى الطائره.
صار لنا ساعه في الطائره وجو الطائره حار جدا ونحن ننتتظر الاقلاع . تكلم الكابتن وقال انهم يبون يشوفون بطاقة الصعود لكل راكب ( اول مره اسمع عن هالشيء) بعد ما شافوا كل البطاقات انتظرنا ساعه ثانيه ونطق الكابتن مره ثانيه وقال لازم اثنين منكم يتبرعون بالنزول الى طائره ثانيه لانه في نقص راكبين في الطائره الثانيه وفي حال نزولهم خلال ربع ساعه راح نطير . ومن منطق التهديد يقول ان ما نزلوا الاثنين الطائره ما بتتحرك حتى لو تمت اربع وعشرين ساعه!!!
اثنين من الشباب جزاهم الله خير نزلوا وساروا الطياره الثانيه وانتظرنا وانتظرنا وصارت الساعه السادسه والنصف والناس صارت امعصبه بسبب التاخير والجو الحار في الطائره نبي انعرف شو السالفه .
عالساعه سبعه اعلن الكابتن عن اقلاع الطائره وان سبب التاخير ان هو ازدحام بالطيران مع ان ما شفنا خلال هالوقت اي طياره اتحركت.
الجمدالله خلال ساعتين وصلنا الى بلادنا الغاليه ويوم قال الكابتن شكرا لاختياركم الطيران السعودي رد الجميع ( اخره مره)( لو بلاش ما نركبها)( لاتعطونا عشرة الاف ما نركبها)
استقبلونا في المطار بالماي والورد والحلويات ونسخه من كتاب الله الكريم وخلصانا اجراءا الجوازات في ثواني.
واتمنى الاخوة الاخرين العالقين في مطار جده انهم عادوا للوطن الغالي.
واتمنى ان تصل شكوى المسافرين الى منظمة اياتا للطيران لمعاقبه المقصرين.
حج مبرور .. وسعي مشكور .. وذنب مغفور لكل إخوانا وأخواتنا اللي ساروا الحج .. وعقبال الباقي
بس مشكلة الطيران السعودي مب خلال الحج .. حتى في الايام العادية لازم تأخير ساعه على الأقل ..
بعدين ×××××××××××××××××××××××××.. ليش ما تكبر مطارها وتزيد من عدد موظفيها في هذه المواسم .. حتى تلغي بعض الرحلات عن الدول الاخرى او تقللها وتسخر كل طاقاتها للحج .. إلا هو موسم مره في السنة ,, والمسألة تحتاج لكمن يوم فقط ..
صحيح إن السعودية تبذل جهود جبارة في فترة الحج من امن وحفاظ على سلامة الحجاج .. لكنها في نفس الوقت ما تكمل جميلها .. والمشكلة إنهم يخلون الواحد سواء معتمر او حاج يغلط عليهم ويتضايق منهم .. استغفر الله .. ومثل ما قالوا الاخوان .. ××××××××××××××× يرجى عدم الخروج عن لب الموضوع .. الموضوع عن الخطوط السعودية ×××××××××××××××××××××××××× …
لكن الحمدلله إن الإماراتيين وراهم رجاااااال وحكومة ما تهمل ولا تتخلى عن اي مسلم .. جزاهم الله خير .. وعسى ربي يوفقهم ..
حج مبرور وذنب مغفور انشالله
انا سرت الحج عن طريج البر مع الوالد قبل سنتين التحقنا بحمله بس دفعنا النص والله راحه الموتر موترك اي وقت تروم توقف وتروم تمشي على راحتك خلصنا الحج والله يسر لنا ورجعنا لا انتظار ولا شي
دائما وابدا تتكرر هذة المواقف وأنا حصل لي بسنة 2006 موقف لا يمكن محوة من الذاكرة والسبب الامن السعودي بمطار جدة والاسباب غير مقنعة اطلاقا أخرتني 9 ساعات بمنطقة احتجاز الحجاج..!
والاخ الي يقول رد علية الاخ وقالة اسكت دام انك مش اماراتي هذا حاصل بس انا رد علي واحد بالمحل كنت اساله عن حاجة وقال لي مش موجودة بس مب بالكلام …! هز ريلة لانها كانت على طاولة دكانة !!!!!!!!!!!!!!! هزها يمين وشمال والقصد ان البضاعة غير موجودة !
ياسلام على الاتكيت.. فكرت اني اسحبه وافرة برا محلة لكن المكان ما يسمح ولا شكلة يستاهل الرد!
والله أخوي محد يقدر ينكر الجهد والمال المبذول من قبل الحكومة السعودية، فتوسعات الحرم المكي والمسجد النبوي يشار لها بالبنان، ومبنى مطار الحجاج في جدة جيد جداً..
ولكن العتب هنا على سوء التنظيم في الخطوط الجوية السعودية وبعض كوادر المطار، ولسنا الوحيدين الذين نشتكي من الخطوط الجوية السعودية فمواضيع أبناء السعودية ملأت المنتديات ولك ان تبحث في جوجل..
تحياتي لك
السعودية انفقت خلال الثلاث السنوات الماضية عشرات مليارات على الحرم المكي الشريف اكثر من ميزانية دول الخليج كلها
واخرها قبل اسبوع توقيع عقد 27 مليار كلها لخدمة ضيوف الرحمن واخرتها تقابلون الاحسان والمعروف بالجحود والشتم والدعاء على خادم الحرمين الشرفين
طµط*ظٹظپط© ط§ظ„ط§ظ‚طھطµط§ط¯ظٹط© ط§ظ„ط§ظ„ظƒطھط±ظˆظ†ظٹط© : ظˆظ„ظٹ ط§ظ„ط¹ظ‡ط¯ ظٹظˆظ‚ط¹ ط¹ظ‚ظˆط¯ طھط·ظˆظٹط± ظ…ط·ط§ط± ط§ظ„ظ…ظ„ظƒ ط¹ط¨ط¯ط§ظ„ط¹ط²ظٹط² ظپظٹ ط¬ط¯ط© ط¨ظ€ 27 ظ…ظ„ظٹط§ط± ط±ظٹط§ظ„