السلام عليكم و الرحمه

يا جماعه شو هالمرض الغريب و العجيب اللي انتشر بين العرب؟؟؟

ربيعاتي ياهم مرض البلاك بيري الله لا يبلاكم… و من الاعراض اللي لاحظتها

1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده

2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!

3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل

4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها

5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه

6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون

يعني بصراحه انا فيه ادمان خفيف

بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا

هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز

أليس كذلك؟؟

65 thoughts on “مرض غامض ينتشر في الامارات..هع هع”

  1. بصراحة ما شفت ولا واحد عنده هالبلاك بيري

    بس حب الظهور و لفت الانتباه

    يابووويه اللي يبا حب ظهور و لفت انتباه ما بياخذله بلاك بيري مال الفقرا على الفين ربيه

    يسير ياخذله بنتلي و يكشخ بها و الا فيرتوو

    يعني مووول ما يخصه


    __________________

  2. دول استهلاكية
    وعلى القوله العالم الثالث

    { ولن ترضى عنك اليهود ولا النصارى حتى تتبع ملتهم }

    شو يخصه

    مووووووووول ما يخصه


    __________________

  3. ياسلام موضوع ينحط على الجرح يبرى

    من واحد يشتري الكل يشتـري

    وانا متأكد أغلب اللي اشتـروه، أشتروه عشان الـ bb pin و الـ chating

    حلاته انزين

    هذا هو المطلوب


    __________________

  4. لا تلوميهم ع الردود السلبية لوميهم انهم عطو موظوعج ها السالفة
    اخخخخخخخخ

    يابويه انته ردك شرات ويهك شو تباني اقولك

    اطلع برع و صك الباب وراك


    __________________

  5. خدمة الانترنت والمسنجر بس الي تجذب الناس أما كموبايل مافيه شي وسعره غالي عالفاضي.

    أكثر شي يستفيدوا منه أصحاب الشركات الي عندهم ايميلات مهمة ويقدروا يردوا عليها من أي مكان سواء كانوا فالسيارة أو فمكان عام.

    انا اشوف سعره اووكيه و خدمة النت بعد سعرها اوكي

    لو ما كان سعره رخيص جان ما انتشر عند كل حد

    و بالنسبه للشغل هيه وايد ينفعني وقت الازمات


    __________________

Comments are closed.