السلام عليكم و الرحمه

يا جماعه شو هالمرض الغريب و العجيب اللي انتشر بين العرب؟؟؟

ربيعاتي ياهم مرض البلاك بيري الله لا يبلاكم… و من الاعراض اللي لاحظتها

1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده

2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!

3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل

4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها

5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه

6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون

يعني بصراحه انا فيه ادمان خفيف

بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا

هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز

أليس كذلك؟؟

65 thoughts on “مرض غامض ينتشر في الامارات..هع هع”

  1. بقمة السخافه
    بلاك بيري واي فون
    كله من الاتصالات
    ماعرف شو سالفتهم يعني

    تثقف عنهم بتعرف السالفه يا طويل العمر


    __________________

  2. صدقتى والله الحاله صعبه وربيعتى تحاول فينى احط البلاك بيري الحمد لله ماريد يصيبنى هالمرض عافانا الله مابيتم مخ فيهن

    ههههههههههههه خذيه بتستمتعين

    و عن الادمان ترا بينزلون في الصيدليه لزقات و لبان شرات مال الاقلاع عن التدخين بس هاييل للاقلاع عن البي بي << اسووولف
    __________________

  3. انا بقولج شو سبب تعلق المراهقات بالبلاك بيري

    اختي البلاك بيري من فترة نزل ومحد سواله سالفة ولا دعايا لي كان يستعملة موظفين الشركات

    لكن فية حركة حلوة لي هي مسنجر بلاك بيري يعني اذا عندج قروب صديقات كلهن عندهن بلاك بيري

    يقدرون يسون شات في اي وقت ويقدرون يرسلون ملف صوتي او صورة من هذا القبيل وغير مكلف

    حيث ان االخدمة كلها على النت والنت انته دافعنة لا محالة 185 درهم شهريا .

    هذا كل مافي القصة .

    عليك نووور


    __________________

  4. تلفون صنع خصيصا لمتابعة الاعمال (ما بقول رجال الاعمال عشان المساواة ) وعندنا للاسف انتشر بين الاطفال والمراهقين لاستخدامات التسلية..

    بلاها التسليه ..ما فيها شي..و في وقت الازمات تراه بعد يعين و يعاون


    __________________

  5. تلفون فنان ,,

    وبصراحه انا تقريبا تقدرين تقولين مثلهم ,,

    ربيعي يقولي بكسره هالتلفون اخر شي ,, هههه ,,

    mr.yasser

    صدقك اغلبهم عسب ال Bb chat =D

    هيه والله انه فنان

    غير حياة ناس وايدين


    __________________

Comments are closed.