السلام عليكم و الرحمه

يا جماعه شو هالمرض الغريب و العجيب اللي انتشر بين العرب؟؟؟

ربيعاتي ياهم مرض البلاك بيري الله لا يبلاكم… و من الاعراض اللي لاحظتها

1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده

2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!

3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل

4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها

5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه

6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون

يعني بصراحه انا فيه ادمان خفيف

بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا

هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز

أليس كذلك؟؟

65 thoughts on “مرض غامض ينتشر في الامارات..هع هع”

  2. الحمد لله الذي عافانا مما ابتلى به كثير ممن خلق ..

    اميييييييييين وياك


    __________________

  3. لاتعليق بس بصراحه بدون زعل كل مانزل شي يديد (البعض) على طووول ورا اليديد

    و شو العيب

    بالعكس وايد اوووكي

    نواكب العصر و التكنلوووجيا


    __________________

  4. اعتقد لأنه فيه نت عن طريق اشتراك شهري ويا الاتصالات و الشباب اللي ما عندهم نت في دوامهم يتسلون به و خصوصا المسن اللي يخليك تتواصل ويا الخلق بلاش

    هيه والله انه نعمه للي يداومون … اذا فضى البي بي مالي في الدوام اكره حياتي


    __________________

  5. بداية الغيث قطــرة..انا شاك انج قدمتي الاستقالــه..من خلال طرحج لها الموضوع..

    طبيعة البشر…ينجذب لكل ما هو جديد و بعد فترة يمل من الشي و ينتهي الموضوع و يصبح من الماضي..

    مثل شخص عطشان…بيشرب اول شي و يحس بلذة الماي و من يوصل لنص الكوب عادي..و من يخلص الكوب الاول يطلب الثاني..لكن ما بيكمل الكوب الثاني لانه شبع..

    طبعا مع التكنولوجيه الكل متخبل..مثل موضوع بلوتوث..و الحينه بلاك بيري..

    تعرف عاد اني من اوائل من اشتركو في خدمة البلاك بيري في الامارات و في البدايه مووول ما تأقلمت و تم مفرور كمن شهر

    بس ما اندمجت الا مؤخرا ..يوم الشله كلها استوى عندهم بيبيات لووول

    و موضوع الاستقاله شليته من مخي خلاص صلابوه هههههههههه


    __________________

Comments are closed.