السلام عليكم و الرحمه
يا جماعه شو هالمرض الغريب و العجيب اللي انتشر بين العرب؟؟؟
ربيعاتي ياهم مرض البلاك بيري الله لا يبلاكم… و من الاعراض اللي لاحظتها
1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده
2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!
3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل
4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها 
5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه 
6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون 
يعني بصراحه انا فيه ادمان خفيف
بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا 
هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز
أليس كذلك؟؟
ترا اللي ما يعرف الصقر يشويه لووول
محد يعرف جيمة البلاك بيري الا اللي ما يعقه من يديه
سيما طرشيلي البن مالج هع
و مشكوووورين جميعا على الردود الحلوه و الاطلالات الجميله
كلام صحيح
هذا اللي كنت بكتبه ،
و لكن من ناحية اخرى فهو عملي جدا لمن يحتاجه – ليس للهو –
انا استخدمه من اكثر من 4 سنوات و فادني بمواقف كثيرة
Dubay Baby
وحشــــــتينا
بالنسبة لل BB
Yes Yes Yes
انا اكثر شي بيعجبني غوووووغل … 24 ساعه اي سؤال في بالي على طول غوووغل
و ال BB PIN >>> قربت من صديقاتي اكثر خاصة اللي ما كان في بينا تواصل كتير
و ال maps اللي فيه حلوه … بس اخر مره رحت ابوظبي مع اهلي تفلسفت و دليتهم طلع الطريق مغلق
و اضرينا نلف ابوظبي كلها لوووووووول
أوافقج الراي…أنا متأكد أنه أغلبية الردود يمكن ما شافوا الجهاز ولا يعرفون مزاياه وعلى طول انقلبوا على الموضوووع وبدأوا بذم التلفون والخدمة….
صحيح أعرف وايد ناس اشترت الجهاز بس جي عسب يكون مميز وغيرهم عشان ال بلاك بيري مسنجر أو لايف مسنجر….بس التلفوووون بصراااااحه للناس العمليين خاصه للي يستعملووون الايميل ومحتاجين يشيكون ايميلهم باستمرار أو يكون معظم شغلهم على النت وبالطريقه هاي بيكون التلفووون رقم 1 !!
أنا مستغرب بصراحه…مدري ليش في واايد آراء سلبية !!!
بالعكس خدمة الانترنت والايميل أهم شي بصراااحه ويخليك دااايما” UPDATED !!
غير جي تقدر تشيك أي شي تباه على طوول وعلى قولتهم بكبسة زر….
بالنسبالي أنا دايما” مسافر خارج الدوله وأكلم أخوي وربعي في الامارات عن طريق البلاك بيري…الخدمه متوفره 24 ساعه والنت على طوول مفتووح..
أقدر أشيك سوق الأسهم والمنتدى…
طبعا” أهم شي في الموضوووع من اييك ايميل على طوول ينبهك وتروم تقرا رسايلك من تووصلك خاصه للي دواماتهم تحتاج أنك تشيك ايميلك باستمرار وطبعا” مستحيل تشل معاك لابتوب طول الوقت
غير جي فيه واااااايد خدمات لمحبي البرامج والالكتروونيات
تحياتي للجميع