السلام عليكم و الرحمه
يا جماعه شو هالمرض الغريب و العجيب اللي انتشر بين العرب؟؟؟
ربيعاتي ياهم مرض البلاك بيري الله لا يبلاكم… و من الاعراض اللي لاحظتها
1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده
2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!
3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل
4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها 
5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه 
6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون 
يعني بصراحه انا فيه ادمان خفيف
بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا 
هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز
أليس كذلك؟؟
هلا
” متعني و متصرّف “
أشوف أخواني كلهم ماخذين ال bold من الدوام !!
وعشان تقطع الشك باليقين ،، عندك فسم الاتصالات والهواتف المتحركة ،، وشوف الحفلة اللي صايره عن ال BB
__________________
دام الموضوع إنفتح، بغيت أسأل سؤال.
أنا المفروض آخذ Bb من الدوام.
شو أحسن نوع برايكم ؟ هل هو البولد؟
و شو كوده (لأن طالبين مني أعبّي الطلب بـ الكود مب الإسم) ؟
زيغتينا الله يهديج
علعموم شكرا على الموضوع
يزاك الله كل الخير على هالكلام الطيب
والله صدقت و انا اكره شي عندي اني العب بالتلفون او البي بي و انا اسووق …
__________________
الله يشفي جميع مرضى المسلمين
__________________