السلام عليكم و الرحمه
يا جماعه شو هالمرض الغريب و العجيب اللي انتشر بين العرب؟؟؟
ربيعاتي ياهم مرض البلاك بيري الله لا يبلاكم… و من الاعراض اللي لاحظتها
1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده
2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!
3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل
4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها 
5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه 
6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون 
يعني بصراحه انا فيه ادمان خفيف
بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا 
هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز
أليس كذلك؟؟
بس سمعت إن الكيرف 2G بينما البولد 3G.
__________________
في الدوام و الشات شغال
والشغل بيتريا
ويقولون البلاك بيري يستفاد منه
والكل يدخل الشات
ابغي اعرف انه مايكفي كمبيوتر في البيت وبعد في الدوام وبعد استوى اللحين 24 ساعة
الاطباء النفسانيين كانوا خايفيين من تفكك العلاقات الاجتماعية وضعف الشخصية المدمنة الشات لان الانسان يتعود ما يواجه الناس ويتكلم من وراء اسماء مجهولة وما في اي اتصال مباشر يعزل الانسان
وهذا لما كان بس في البيت واللحين اشوف الناس اولاد واكثرهن بنات تمشي وعين على الشاشة وعين على الزفت هذا البلاك بيري
وااايد ولهانة على ربيعتج سيري زوريها
واااايد مثقفة تخافين تفوتج حصة من حصص الثقافة على البلاك بيري الله يوفقج
وفي النهاية كل شي سلاح ذو حدين
في ناس تخاف تخسر الملايين كل دقيقة وعندهم اشغال فكان هذا نعمة
وفي ناس تخاف تفوتهم نكتة يديدة ولا سالفة فلانة مستوية وهي تكون آخر من يعلم
الله يعطينا العقل ونسيب هالفشخرة
وصدقوني انكون من داخلنا مطورين
اهم من انه نراوي الناس انا مطورين على حساب نفسنا وصحتنا
وبدال البلاك بيري والساعات اللي تضيع عليه
ساعة لاهلك لامك او لابوك او لاخوك الصغير ابركلك
والله يكون في عون اللي مبتلين
وآسف من صاحبة الموضوع بس الكلام بشكل عام
اغلب الناس عندهم بولد
انا حبيت الكيرف اكثر
بعدين البولد تيه حاله يموت و لازم توديه تصلحه يعني ما يشتغل مره وحده يشكل …و صارت لكمن وحده من ربيعاتي
الحمدلله الكيرف ما يعاني من هالخلل الفني
__________________
ههههههههههههه
يسمووو على المرووور
__________________
إنزين، شو كوده ؟
و سمعت إن في BB أقوى، بس ما يقرا عربي (تتش). هذا بعد شو كوده.
و على فكره، هو بكم ؟
لأن الميزانيه اللي عاطيني إياها 6000 درهم لـ 3 أجهزه. مب معقوله يطلع الـبولد بـ 2000 !!!
أقولج،
سيري قسم الإتصالات و تخبّريهم. أنا تعبان بسير أرقد.
__________________