السلام عليكم و الرحمه
يا جماعه شو هالمرض الغريب و العجيب اللي انتشر بين العرب؟؟؟
ربيعاتي ياهم مرض البلاك بيري الله لا يبلاكم… و من الاعراض اللي لاحظتها
1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده
2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!
3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل
4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها 
5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه 
6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون 
يعني بصراحه انا فيه ادمان خفيف
بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا 
هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز
أليس كذلك؟؟
دقايق و سأعود خلوني اجابل شغلي شوي << الموظفه المثاليه هع هع
الحبيب مضيع شكلك منو قالك ان هذا موضوع للامثال
تفضل الرابط
http://satfrequencies.com/invest/uae249711/#post2468095
__________________
يختي ادري ان المنتدى بدوني ما يسوى
بس شي اعضاء يداد يايين شادين حيلهم ما يعرفوني اون بيستخفون دمهم على حسابي…فاتهم ان دبي بيبي هي القو
و يلا اوودامي يا ست يا ارشانه خذي لج بي بي عشان اضيفج للشله المشتله على تايرين
__________________
بس مش هذي نقطة الخلاف…
المهم الواحد يستخدمه في شئ مفيد..
ومع هذا كل واحد حر في استخداماته….. إذا وين نقطة الخلاف!!!! لما تتعدى على حريات الأخرين…
يا جماعة الخير بقول لكم شي خطير .. أنا أول ما استخدمته عجبني..وبعدين قمت أستخدمه عند إنتظار الإشارة الحمرا… وبعدين أثناء السواقة….
تعرفون شو يعني هذا… يعني إني تعديت حدودي وصرت أعرض حياة الناس للخطر …
أذكر في مرة جايبين سجين دهس طفل ومات وسألوه كيف صار الحادث…وقالهم في الثواني اللي كان يطالع فيها رقم المتصل…. فما بالك باللي قاعد يستخدم البلاك بيري…
قبل ما تستخدمه أثناء السواقة فكر في الأطفال اللي في الشارع وفي الناس اللي مالهم ذنب ..
أنا أخذت عهد على نفسي إني ما أستخدمه أثناء السواقة.. مهما كان السبب…
فاصرف هواها وحاذر أن توليه = إن الهوى ما تولى يصم أو يصم
وراعها وهي في الأعمال سائمة = وإن هي استحلت المرعى فلا تسم
كم حسنت لذة للمرء قاتلة = من حيث لم يدر إن السم في الدسم
الله يشفيهم