السلام عليكم و الرحمه
يا جماعه شو هالمرض الغريب و العجيب اللي انتشر بين العرب؟؟؟
ربيعاتي ياهم مرض البلاك بيري الله لا يبلاكم… و من الاعراض اللي لاحظتها
1.من افتح سالفه ويا وحده الا دقيقه و ردت تبحلق في شاشة جهازها و انا و لا جني موجوده
2.حتى لو اكلمها في التلفون ما اسمع الا تدقديق دقم طاخ طاخ و يوم ازقرها تقول هاااه اقولها سمعتي شو قلت؟ تقوول اوووه ما تعرفين فلانه شو مطرشه << عيني عينك تغير السالفه!!
3. وصل بنا الحال ان يالسين في الميلس كلنا و بدال ما نرمس كل وحده ميوده الجهاز و طاخ طاخ ..و اذا ضحكو كلهم مره وحده بدون سبب..يعني حد مطرش نكته برودكاست مسج للكل
4. اذا وحده نست البلاك بيري مالها و الا خلص الجرج و الا اخترب اتم يالسه على برد وحيده جنها حد مات عندها 
5. وحده ربيعتي مسويه كمن حادث لان ما تقدر تهد البلاك بيري من يديها و هي تسوق و من غير تشحيف الارصفه 
6. يدفعون مبالغ طائله حق الكفرات و تعديل و تكشيخ البلاك بيري تقول ولدهم مب تلفون 
يعني بصراحه انا فيه ادمان خفيف
بس و الله مب لهالدرجه استوى الموضوع خبال …حتى قبل فتره وصلتني مسج اون الدستور الاماراتي الجديد ينص على ان اللي ما عنده بلاك بيري لا يعتبر مواطن << يتمصخرون طبعا 
هالجهاز له منافع وايد و الحمدلله انقذني في وايد مواقف..بس عيب الواحد يخلي حياته كلها تدور حول جهاز
أليس كذلك؟؟
فى مثل اسمه [ شــــــــــــــــــــــوفينـــــــــــــــــي يافـــــــــــــلانـــة ]
لا حول ولا قوة الا بالله
كلكم مرضى يبالكم علاج
الله يشفيكم
شو ها كلام فاضي بصراحة
سخافات
وع وع وع وعوووو
مال اول مب شايفين خير انتوا
كل ما نزل شي يديد تخبلتوا عليه
ياربي انا متى بيجيسني هالمرض وانضم لشلة البلاك بيريين لووووووووووووووووووووول
دبي بيبي تولهنا عليج والله
بصراحة انتي فاكهة المنتدى وبدونج المنتدى ناقصتنه فيتامينات لوووووول
منورة غناتي وقريب ان شاء الله بنضم لكم
ترقبونا
كل الود
ما يطيع زينج يالغاليه
انتي نور البي بي
__________________
الله يبارج فيج حبوبه
وأخيراً
أدري لوعت بجبدج خخخخخ
__________________
بوص بقا تم التطاول على العضوه محبوبة الجماهير دبي بيبي و محدش جي ياخذ بطاااري
بس الحين تمام كل شي حسب الخوووطه
__________________