محتاج لخبرتكم ومساعدتكم ومشورتكم .. فتحت مشروع ومبتلش فيه !!!

29 thoughts on “محتاج لخبرتكم ومساعدتكم ومشورتكم .. فتحت مشروع ومبتلش فيه !!!”

1. وانا اقول مشرفنا مختفي من فترة

   من بعد اغذيه سرت فتحت كافتيريا مره وحده ههههههههههه

   فك عمرك من الصدعه وسلمني الكافتيريا وشهريا خذ لك 5000 درهم

2. السلام عليكم ورحمة الله وبركاته

   بالبداية احب اشكر كل من شارك بالموضوع .. ويزاكم الله كل خير وشكر خاص لاخوي تاجر بالجمله على الشرح الجميل والوافي .. قمت بالاتصال باخونا سيف الدولة ويزاه الله خير ماقصر وجهنا وعطاني نصايح جميله وجوهريه

   قررت اني اييب واحد امين او ادور واحد ثقه يكون موجود دايما بالكافتيريا وهو الي بيسجل المشتريات اليوميه وهو الي بيتابع الدفتر الحسابي للكافتيريا ..

   المشكله ياخوان .ان الكافتيريا موجوده بالشارجه
   وانا شغلي في بوظبي وطول الاسبوع اكون موجود في بوظبي . فصعبه علي اني اتابع الكافتيريا يوميا الا اذا بالتيلفون والتيلفون ماينفع بهاي الحالات ..
   فقررت ان شاء الله اني لازم اخذ اجازة وافرغ نفسي على الاقل اسبوع او اسبوعين

   فانا اطلب من اخواني
   الي عنده شخص امين وثقه وحاب يشتغل يخبرني عنه
   وافضل انه يكون من فئة البدون او من اصحاب المراسيم .
   وتكون عنده سياره .
   وان شاء الله بنتفق على الراتب

   والله يوفق الجميع ان شاء الله

   لا شكر ع واجب وحاضرين طال عمرك….رقمي موجوود عندك ومتى ما حبيت تتصل اتصل …

   كلنا اخوان….

   الله ايسر عليك ان شاء الله

   بحاول اتواصل مع اصحاب الكفتيريات وبشووف شو مصاريفهم…وبخبرك…

3. السلام عليكم ورحمة الله وبركاته

   بالبداية احب اشكر كل من شارك بالموضوع .. ويزاكم الله كل خير وشكر خاص لاخوي تاجر بالجمله على الشرح الجميل والوافي .. قمت بالاتصال باخونا سيف الدولة ويزاه الله خير ماقصر وجهنا وعطاني نصايح جميله وجوهريه

   قررت اني اييب واحد امين او ادور واحد ثقه يكون موجود دايما بالكافتيريا وهو الي بيسجل المشتريات اليوميه وهو الي بيتابع الدفتر الحسابي للكافتيريا ..

   المشكله ياخوان .ان الكافتيريا موجوده بالشارجه
   وانا شغلي في بوظبي وطول الاسبوع اكون موجود في بوظبي . فصعبه علي اني اتابع الكافتيريا يوميا الا اذا بالتيلفون والتيلفون ماينفع بهاي الحالات ..
   فقررت ان شاء الله اني لازم اخذ اجازة وافرغ نفسي على الاقل اسبوع او اسبوعين

   فانا اطلب من اخواني
   الي عنده شخص امين وثقه وحاب يشتغل يخبرني عنه
   وافضل انه يكون من فئة البدون او من اصحاب المراسيم .
   وتكون عنده سياره .
   وان شاء الله بنتفق على الراتب

   والله يوفق الجميع ان شاء الله

4. اخوي خذ بنصيحتي ولا بتندم اول شي الكفتيريا والمطعم لو انت شخصيا مب يالس على كرسي الحسابات ومب فاضي تشتري التزامات الكفتيريا صدقني يا خوي عمرك ما بتوصل للدخل الحقيقي للكفتيريا لانك ما بتقدر صعبه وهذا الشي مب من عندي من ناس اهل خبره انصحك انك ادور على هندي عنده كفتيريا معروفه وتتفق وياه على انك بسلمه الكفتيريا مقابل دخل شهري يتفق عليه ولا لك شغل باي شي لا اجار ولا كهرب ولا تجديد رخصه ولا ملتزمات الكفتيريا وانت اتقول اشتريت اغراض للكفتيريا بمبلغ 18000الف يعني الكفتيريا شغاله 100% ودخلها المفروض ما ايكون اقل من 35000 الف شهري فك عمرك من الحشره وارضى بالقليل اول سنه حتى اشوف الكفتيريا وين وصلت بعد ما اجرتها واذا الامور طيبه زيد الاجار وتحياتي لك والله ايوفقك

5. اخووووووووووووي احساس اتمنى

   ركز ع كلام تاجر جمله ….

Comments are closed.