محتاج لخبرتكم ومساعدتكم ومشورتكم .. فتحت مشروع ومبتلش فيه !!!

29 thoughts on “محتاج لخبرتكم ومساعدتكم ومشورتكم .. فتحت مشروع ومبتلش فيه !!!”

1. المفروض يكون عندك مدير لكافتيره
   وتكون انت المشرف عليه

2. هي نفس ما قالو لك الاخوان

   احسن فكره اخوي انك ما تخلي في المحل عمال من نفس الجنسيه حاول تفرق تسد

   وجابها اقل شي لمده اسبوع ول اسبوعين انت بتفهم الشغله كامله وبتحسبه باليوم وبتعرف التكاليف صح وبتفهم الشغله احسن من اي برنامج

   وقول لهم انك بتعطيهم الكافتريا مقابل مثلن 5000 بالشهر يعطونك شوف شو بيقولون بس جربهم

   والله يوفقك وتتربح انشالله

   السلام عليكم

   مرحبا اخوي الشاطر صداح

   ان شاء الله ناوي اخذ اجازة من الدوام عشان اجابلهم بس لمدة اسبوع او اسبوعين وان شاء الله نفهم الشغله والحسبه الصحيحه

   شكرا على المداخله اخوي شاطر والله يجزيك خير

3. اخي الكريم :
   الحساب يللي انته تسويه غلط بغلط والسموحة انته اجتهدت وطلعت كم تصرف شهريا وكم مدخولك بس يللي لازم تسويه انكتسوي برنامج للحساب مب لازم على الكمبيوتر ولا اي جهاز على الورق احسن بعد لمشروع مثل هذا لكن يلي اقدر افيدك فيه انك تسوي حساب كمي (كميات) يعني مثلا :

   خلينا ناخذ نوع واحد من الوجبات ويللي هو الهامبرجر

   1-عندك 40كيس من الخبز الدواري وكل كيس فيه 6 حبات ونقول بـ2 درهم للكيس=80

   2- علبة مايونيز حجم عائلي قول 12 درهم
   3- 5 اكياس شيبس مقطع جاهز 8 دراهم للكيس الواحد=40
   4- شرائح الجبن كرتون ونقول تقريبا 80 درهم فيه 250شريحة=80
   5- جرزتين خس بـ5 دراهم=5
   6- 4علب همبرجر كل علبه فيها 24 حبة الوحدة بـ19.5 درهم + علبه فيها 4 حبات بـ6 دراهم =84درهم

   الحين صار مجموع المشتريات =301 درهم

   نحسب البيع الحين

   انته لازم تبيع من كل هذي المشتريات لصنف واحد وهو الهمبرجر واذا قلنا كل همرجر الناتج هو بالسندويش طيب يعني انته لازم تبيع بعدد السندويش يلي عندك
   من 40 كيس وكل كيس يحتوي على 6 ساندويشات يعني عندك 240 سندويشه هذا العدد نضربه بسعر السندويشه الواحدة يعني على سبيل المثال 240×5 = 1200 درهم طلع 1200 طيب
   الناتج هذا 1200 انقص منه المشتريات 1200-301=899درهم طيب الناتج هذا يعتبر الربح واذا تريد انقص منه مبلغ 200 كقسم يحسم للرواتب والاجار والكهرباء والماي يعني صافي الربح من العمليه كلها بقالك 699درهم ومبروك عليك

   اخي الكريم هذا مثال مصغر جدا للعمليه يلي انته تبيها ولو حسبت صح عشر عمال ما يقدرون يسرقونك والله يوفقك

   لكن اذا بغيت المزيد من التفاصيل ارجو التواصل على 00971504154225

   السلام عليكم

   اخوي تاجر جمله فعلاً انك تاجر ماشاء الله عليك .. حسبه جميله ومرتبه وسهله مثل ماتفضلت

   لكن انا عندي سوال .. انته ضربت عدد السنويشات بالسعر .. طلع الناتج 1200

   السندويشات تختلف اسعارها يعني تحصل سندويشة بدرهمين وفي منهن 4 دراهم وفي منهن 10 دراهم
   شو اسوي بهاي الحاله .. ؟

   وان شاء الله راح اتواصل وياك بالتيلفون .اشك ان عندك كافتيريا
   وجزاك الله خير

4. السلام عليكم
   اخوي لو المحل في الشارجه او عيمان خبرني وانا بسير وياك وبنشوف انشاء الله
   وحاضرين للطيبين

   وعليكم السلام

   مرحبا اخوي bidan

   ياريت والله ..وماتقصر يالطيب .. لان فعلا غير على الطبيعه حد يشرحلك ويفهمك احس اني بستوعب الموضوع على طول ..
   وان شاء الله بتواصل وياك ولو اني احس اني بثجل عليك

5. هي نفس ما قالو لك الاخوان

   احسن فكره اخوي انك ما تخلي في المحل عمال من نفس الجنسيه حاول تفرق تسد

   وجابها اقل شي لمده اسبوع ول اسبوعين انت بتفهم الشغله كامله وبتحسبه باليوم وبتعرف التكاليف صح وبتفهم الشغله احسن من اي برنامج

   وقول لهم انك بتعطيهم الكافتريا مقابل مثلن 5000 بالشهر يعطونك شوف شو بيقولون بس جربهم

   والله يوفقك وتتربح انشالله

Comments are closed.