محتاج لخبرتكم ومساعدتكم ومشورتكم .. فتحت مشروع ومبتلش فيه !!!

29 thoughts on “محتاج لخبرتكم ومساعدتكم ومشورتكم .. فتحت مشروع ومبتلش فيه !!!”

1. انا اقوووووول اسمع كلام تاجر جمله

   وشوف هالطريقه

   اتييب دراجه هوندا قيمتها بتلقاها من 3000 الى 5000 مثل مال الكفتيريات واللي يوصل الطلبيه يسجل كم استلم قيمة الطلبية وشو ودا الطلبيه واللي في المحل يسجل نفس الشي وبعدين تقارن بس في هالحاله لازم يكونوا الاثنين من جنسيه مختلفه وما يحتكون ببعض احتكاك مباشر .

   الطريقه الثانيه

   اتشوف لك حد فاضي حتى لو اخوك ما وراه شغل قوله يجلس في الكفتيريا من الساعه 6 المغرب لين 10 اللي ايي ويطلب من الهندي يتلقفه اخوك شو طلب فلان وشو طلب علان ويسجل كل شي في دفتر ويسجل القيمه حتى لو ما يقبض الفلوس اخوك بس عشان انت تعرف كم الدخل الاجمالي في هاليوم .

   الطريقه الثالثه

   تسير كنتاكي وتتعرف على المصري اللي مقبضينه الكمبيوتر هناك وتم سولف وياه واسأله كيف مرتبين امور الحسابات والبيع عندهم وكيف يحاسبونهم وشو نظام الحسابات عندهم وكل شي يدور في بالك اسأل عنه اللي موجود في كنتاكي .

   وترا في طرق انا شفتها برا ان اللي يطلب ويعطونه الطلبيه وما فيها الفاتوره تعتبر طلبيته مجانا وما يدفع لها فلوس والفاتوره تطلع من مكينه مثل اللي في الجمعيات وكارفور صغيرونه وعاديه .

   ومره سرت وديت سيارتي الوكاله وتوهقت قالوا لي بتخلص المسا الحين ابا ارد البيت وبيتنا بعيد عن الوكاله انا في الرحبه والوكاله في بوظبي داخل قلت يا بو ناصر مالك حل الا توقف تكسي وقفت التكسي وقلت له سير الرحبه قال لي 70 درهم قلت له لا 50 قال 70 وما طاع ينزل درهم والدنيا قيض وافقت وانا في التكسي قرب البيت اشوف اللوحه اللي قدام الراكب مكتوب فيها انه لو لم يتم تشغيل العداد تعتبر الرحله مجانيه وصلني البيت قال لي ادفع الحساب قلت له كم ظاهر في العداد قال احنا اتفقنا قلت له ما علي منك مكتوب لي الرحله مجانيه وما بدفع لك ليش ما شغلت العداد من البدايه ما رام يقول لي شي وهو بيتحاسب عن الرحله .

   وانا اقول لك سوي استيكر لصقه على واجهة المحل اكتب فيه الطلبيات التي لاترفق معها فاتورة تعتبر مجانيه وشد على الهنود من الصوب الثاني

2. اسمع النصيحة منى صعب جدا تعمل كنترول

   وافضل حل ريح بالك و ريح عمرك و قم بتأجيرهم

   المحل بـمبلغ مقطوع شهريا يعني اذا الايجار

   طالع عليك بـ 3000 شهريا اجرهم بـ 7000

   شهريا و هو مبلغ صافي لك

3. سفر المدير

4. السلام عليكم ورحمه الله وبركاته

   تعااال وعطني إذنك دقيقه !!!!

   لا تجيب شخص أمين ولا تجيب شخص من جنسيه ثانيه ولا تحسب الصمون والخبز ولا تسوي شي من هالاشياء نهااائيا

   مشروع الكفتيريا والحلاق والخياط والمصبغه اللي هي الدوبي وجميع المشاريع الصغيره اللي من هالنوع لا يمكن ضبطها وانت خارج المحل ابدااا

   بتدخل في سرقات احترافيه وبتصدع عمرك وبتجرب كل مره شخص وكل واحد العن عن الثاني
   ممكن الهندي ايجيب صمون من برع ويبيعه وصمونك موجود في المحل عااادي والبرتقاله تسوي قلاص عصير بدل الحبتين وبتدخل في معمعه مالها اول ولا اخر ….

   الحـــل : تأجر الكفتيريا على الفورمن بمبلغ محترم

   وبعد 5 او 6 شهور تزيد عليه الاجااار وطبعا بيوافق وكل فتره تزيد عليه شوي

   طبعا هو بيستغني عن العمال اللي هم زياده إذا اجرت المحل عليه

   وبعد ست اشهر زد الاجار وبعد ست اشهر ثانيه زد عليه الاجار وهاكذا

   وإذا تضايق وحس انه ما يحصل فايده بيقول ارباااب انا يريد نقل كفاله في هالحاله نقصله شوي وبيقبل

   والسلام عليكم ورحمه الله وبركاته

Comments are closed.