السلام عليكم
دار حوار بيني وبين مدير مبيعات وكالة من الوكالات اللي عندنا
خبرته عن موضوع المقاطعة والمطالبة بتخفيض الأسعار بنسبة 40% على الأقل
الشخص هذا أبدى استغرابه من هالطلب واعتبره طلب غير منطقي أبداً
وقال : “إذا أردت أن تطاع ، اطلب المستطاع”
وسألني : إنت كم تتوقع نسبة ربحنا (يقصد الوكالة اللي يشتغل فيها) من كل سيارة ؟
رديت عليه : ما أعرف ، لكن أتوقع 50 أو 60 % !!
قال : 30 % فقط ، وفي الوقت الحالي تم خفض نسبة الربح إلى 20 % على شكل تخفيضات لموظفي الحكومة
قلت له : لنفرض إن كلامك صحيح ، ليش ما يتم خفض نسبة الربح إلى 10 % في ظل الأزمة الحالية وخسائر مصانع السيارات
جاوب : في هالحالة لن نتمكن من تسديد رواتب الموظفين ومصاريف التشغيل وغيرها من إلتزامات
بصراحة ، ما قدرت أتجادل وياه
لكن هل كلامه صحيح ؟؟
لنفرض إن تكلفة السيارة على الوكيل 400 ألف درهم
400 ألف * 30 % = 120 ألف درهم
400 ألف + 120 ألف = 520 ألف
هههههههههههههههههه
حلوة هذي
كلامي يوحي بأني عميل للوكالات ؟؟
لو الكلام هذا صدر من موظف من شركة من شركات الفطيم أو البي أم أو المرسيدس …. بكل تأكيد ما بصدق
لكن الشركات الثانية ، بقول “يمكن” !
أتمنى لك التوفيق مع الوكالة الجديدة
مع إني أعتقد إن الحل لما نعاني منه هو ….. إلغاء مصطلح “الوكيل الحصري”
لاحول ولا قوة الا بالله
السلام عليكم
اعرف واحد يشتغل فالبنك.. وقرقاش للسيارات اتمول من عنده.. ويحلف يقولي فئة من الفئات تنباع فالوكاله دبل سعرها
وعطاني السعر اللي يشترون الموتر بالجمله ونوع اسياره
وعندي مثال ثاني لوكاله ثانيه… بس الريال ربيعي.. وأخاف يقرى الرد وبعدين ماحصل ترتيب عندهم
والوكاله معروفه جدا وأحلى وأكبر وحده