انا من المتعاملين مع بنك دبي الاسلامي منذ اكثر من عشر سنوات وبصراحه كان من افضل البنوك في التعامل والاداء والحرفيه والتسهيلات والخدمات المميزه ومع مرور الوقت وفي الاونه الاخيره ومن خلال اطلاعي وجدت انه تراجع المستوى واصبح يميل لفرض رسوم على كل خدماته مع ان عدد العملاء في ازدياد ونمو كبير وكذلك كثره التأخير في المعاملات وحتى اصبح الخط الهاتفي غير مجاني وكذلك خدمه الرسائل النصيحه والتأخير في اصدار دفتر شيكات واشياء اخرى لم اذكرها
مع كل هذا اتمنى على البنك الذي انا من اشد المعجبين به ان يراجع خدماته ويعودنا على ماهو افضل ومريح للمتعاملين اللذين يرونه من البنوك الافضل
اريد ان اعرف رأي الموجودين كذلك ؟؟
انا ادربت في بنك دبي الاسلامي … وبنك ممتاز من كل الخدمات والضيافه … وكيفية اسلوب التعامل وياهم …
السلام عليكم يا أخواااااان الصراحه موضوع يا في وقته
والمفروض انهم يغيرون المسمى لبنك دبي الإسلامي لــبنك الذبح الإسلامي ….
الصراحه استوالي موقف من بداية شهر 8 لهالسنه في هالبنك التعبان
السالفه وما فيها اني متعامل ويا شركة عقارات وانا ادفعلهم كاااااش شهريا بس للأسف نظامهم اتغير وقالولي انهم يريدون شيكات من خلال هالفتره والشيكات لمدة سنه ….. قلت ما عليه بنسير البنك وان شاءالله بيخلصنا خلال ثلاث أيام….
يوم سرت البنك وانا داخل الساعة 11 الصبح طبعا البنك كان مش مزحوم وايد وخذتلي رقم عشان ايي دوري واللي قبلي كانوا ثلاثة بس ؟ بس ثلاثة ؟ وكانوا معصبين بشكل وانا مستغرب ليش هالعصبيه كلها ….. وقلت ما عليه قعدت اتريا واتريا واتريا والموظف قاعد يسولف بالتيلفون عراحته ويضحك ويرد ظهره بالكرسي للآخر تقول متسدح عالكورنيش …. وجربت كل الطرق عشان ادخلله بدون ما يطالع الرقم اللي عندي بس للأسف متحزم بالقوانين أونه …
ووالمهم اني سويت حساب جاري وقلتلهم اني اريده بأسرع وقت …. قالولي في موعد أقصاه ثلاثة أيام بس فقط لا غير ؟
راجعتهم بعد 3 أيام قالوا ما خلص …
راجعتهم بعد 4 أيام قالولي نفس الكلام … بعد أسبوع ونص ونفس الأسطوانه اللي يرددونها لي كل يوم وما خلصوني إلا البارحه مسودين الويوه ما خليت حد ما كلمته من الموظفين الكبار والمدرا ويليتهم خلصوني صح اللي سووه انهم طلبوا لي دفتر شيكات أرجنت مستعجل بدل فاقد وبعدهم ما سلموني البطاقة ولا خلصوني الله يسامحهم
وما أدري شو الحل يا أخوان اللي أطلبه منكم انكم تخبروني شو الأوراق المطلوبه عشان أنقل حسابي من هالبنك التعسان لمصرف ابوظبي الاسلامي وبكون شاكر لكم هذا المعروف .. مع العلم اني اعمل في مؤسسة حكومية .
كلام صحيح 100%
هيه أخوي كبير في بنوك تقدر تسحب من الكاشير بدون شيك….
أنا ساحبه من بنك الامارات 100,000 من الكاشير لاشيك ولا هم يحزنون….
أنا كانت عندي معامله عند بنك دبي الاسلامي…. طلب قرض بناء …ويبون يأخذون مني رسوم دراسة طلب …قلت لهم حسابي عندكم …اخصم من الحساب…قال نزلي تحت ودفعي….طبعا نزلت..وما كنت أدري يبون شيك…قلت له أمسات ساحبه 100,000 من بنك الامارات …هو بلسنه موظف من بنك دبي الاسلامي قال لي تراج تقولين بنك الامارات وهم أحسن بنك تقنيا……كلام ما جبت من هواء…..