السلام عليكم ورحمة الله ..
اخواني انا سرت الوكاله هني فشارع الشيخ زاايد دبي قالوا انه سعر الموتر الفل اوبشين ب 215000
احييد الموتر كان ب 195 وفي ناس يابوا عليه خصم بعد فبغيت اعرف هالسعر هو نفسه في الوكالات الثانيه
في الدوله وشي خصم عليهم ولا لا لانه واحد من الاهل بياخذله واحد ..
والسموووحه
اخوي لوتشوف وكيلهم في عمان في ولاية البريمي ممكن يكون اشوي ارخص بصراحة ماعندي فكره
يا اخوي ما عليك امر ممكن رقم الوكالة في السعودية وكيف ممكن ناخذ السيارة لازم اروح السعودية والا في طريقة اسهل
وكالة الجميع الرياض على طريق خريص او وكالة العيسى
بالنسبة لسيارات السعودية ترى المواصفات تختلف يعني وارد الامارات افضل ماتشوفون ان كثير من الاخوان السعوديين يشترون سياراتهم من الامارات
ولاتنسى انك بتدفع جمارك وشوف كم تطلع عليك
مافي اي اختلاف عن مواصفات الامارات الوكيل اللي يشترون عنه جنرل موتوز
والمواطن مايدفع جمارك
والسعوديين اللي يشترون من الامارات لان ماعندهم مستعمل نظيف
هلا أخوي
واحد من الأهل جاب من السعوديه وما ترقع فيها كل ما يريد يغير شي ضربوا عليه الوكاله ضعف القيمه الأصليه
والله هيه فكره لو تاخذها من السعوديه وعلى فكره إحجز قبل لا تسير لأن اللوان عندهم نادرا ما تحصلها
نسيبي سار الدمام وجلس عندهم إسبوع علشان ينهي الموضوع
أول شي دفعه 20 ألف لحجز السياره وعلى حسب متى توصل السياره إسبوع إسبوعين ثلاث وأول ما توصل تدفع القيمه كلها وتاخذ سيارتك وإذا تريد تشحنها إلى أبوظبي أو دبي يشحنها ببلاش حقك
صح مواصفات السعودية مش مثل الإمارات… عشان جيه السعر يفرق….
أعرف قطريين يشترون الجمس من البلاد
بالنسبة لسيارات السعودية ترى المواصفات تختلف يعني وارد الامارات افضل ماتشوفون ان كثير من الاخوان السعوديين يشترون سياراتهم من الامارات
ولاتنسى انك بتدفع جمارك وشوف كم تطلع عليك
أنا اشوف السعر عادي بالنسبة للتويوتا اليديد إذا 6 سلندر و ما شي مواصفات ب 210000 درهم
فما بالك بدينالي ب 210000 درهم … مع فرق القوة والفخامة بين الأثنين …
بتقول 8 سلندر ب 260 الف للأستيشن… هاي الأسعار الحرام…