انا من المتعاملين مع بنك دبي الاسلامي منذ اكثر من عشر سنوات وبصراحه كان من افضل البنوك في التعامل والاداء والحرفيه والتسهيلات والخدمات المميزه ومع مرور الوقت وفي الاونه الاخيره ومن خلال اطلاعي وجدت انه تراجع المستوى واصبح يميل لفرض رسوم على كل خدماته مع ان عدد العملاء في ازدياد ونمو كبير وكذلك كثره التأخير في المعاملات وحتى اصبح الخط الهاتفي غير مجاني وكذلك خدمه الرسائل النصيحه والتأخير في اصدار دفتر شيكات واشياء اخرى لم اذكرها
مع كل هذا اتمنى على البنك الذي انا من اشد المعجبين به ان يراجع خدماته ويعودنا على ماهو افضل ومريح للمتعاملين اللذين يرونه من البنوك الافضل
اريد ان اعرف رأي الموجودين كذلك ؟؟
انا راتبي ينزل في دبي الاسلامي وعندي حساب في مصرف بوظبي الاسلامي (فتحته حق الاكتتابات)
وكلهم عندي سيم سيم
لا طال عمرك بنك دبي الإسلامي ما عندهم قسائم سحب نقدي،، لازم تستخدم دفتر شيكاتك الشخصي في السحب… هم يبررون هذه الخطوة بأنه كانت تصير حالات سرقة كثيرة باستخدام قسائم السحب النقدي لكن الحقيقة انها قضية مزعجة انك تستخدم دفتر شيكاتك في السحب النقدي،، يعني المفروض تكون فيه قسائم سحب نقدي ويطلبون من العميل اثبات هوية وخلاص.. لكنهم للأسف أصبحوا معقدي وبطيئينن،، سرت البنك صباح الخميس الماضي وطلبت تحويل مبلغ إلى حساب آخر وكلمت مدير الفرع شخصيا وطلبت منه تحويل المبلغ من حسابي مباشرة يوم الخميس ووعدني انه بيحوله الساعة 10 صباح الخميس،، وللأسف المبلغ ما انخصم من حسابي إلا يوم السبت الساعة 3 الظهر!!! ويوم تشتكي لهم يبدون هم يشتكون من الإدارة انها رافضة توفر لهم موظفين كفاية وانه السيستم جديد ومعقد وانه الاجراءات صعبة..الخ
ياخوي الشيك اضمن من جواز السفر او اي هويه موجوده مع الشخص؟؟
ثاني شي حمل دفتر الشيكات وضياعه لاي سبب مصيبه وذا كان دفتر الشيكات خلص او غير موجود شو اسوي اذا كان الضرف طاري ؟؟؟؟؟؟
بنك دبي الإسلامي كان الأفضل في السابق ………………!!!!
لكن
الحين صار أكره بنك عندي :
رسومهم وااااااااااايد
أرباحهم خيااااااااااااااااالية
فروعه زحمة موووووووووووت
بنك دبي الوطني راك بك ابوظبي الاسلامي عندهم هذي الميزه بس هذا البنك انته ماتسحب من احسابك لانه الفلوس يوم تدخل عندهم تستوي ملكهم طال عمرك