انا من المتعاملين مع بنك دبي الاسلامي منذ اكثر من عشر سنوات وبصراحه كان من افضل البنوك في التعامل والاداء والحرفيه والتسهيلات والخدمات المميزه ومع مرور الوقت وفي الاونه الاخيره ومن خلال اطلاعي وجدت انه تراجع المستوى واصبح يميل لفرض رسوم على كل خدماته مع ان عدد العملاء في ازدياد ونمو كبير وكذلك كثره التأخير في المعاملات وحتى اصبح الخط الهاتفي غير مجاني وكذلك خدمه الرسائل النصيحه والتأخير في اصدار دفتر شيكات واشياء اخرى لم اذكرها
مع كل هذا اتمنى على البنك الذي انا من اشد المعجبين به ان يراجع خدماته ويعودنا على ماهو افضل ومريح للمتعاملين اللذين يرونه من البنوك الافضل
اريد ان اعرف رأي الموجودين كذلك ؟؟
انا شاري شاحنه من شريكه احسابها في بنك دبي الاسلامي او مصلخ دبي الاسلامي الضرب ابدالي
المهم من تاريخ 2 7 2008 والسبب قباء الموضف الفادح الي استلم المعامله سافر والي بيكمل المعامله يديد ماعلي تحمل ياولد دفعه اولا 50000 اوكي اسحب واخر شي اليوم يبون فك رهن من الفرع الي مول المشتري سرنا الفرع ياناس الفرع الفلاني طالب فك رهن ادفع البيزات وبنفك الرهن انا امول السياره من عندكم شو الحل ؟؟؟؟
شوف الفرع الرائسي ان شاء الله 3 ساعة باركنق والدور واخر شي قابلنا المدير اتصل في الشخص الي عنده المعامله يبغي يعرف شو سبب طلب فك الرهن والرهن في نفس البنك طلع الحبيب يتمرن علينا
يوم طلب مدير الفرع قاله ان جديد وماعندي خبره قلتله كذابببببببببببببببب لاني كلمة مديره اقواله تحول الشيكات تغير المديونيه تغير قيد السياره في المرور بس لاحياة لمن تنادي واخر شي اعتذر من المدير
بعد مفهم الوضع وفهم الموضف ومديره كيف سير العمل والمصيبه بعد اسبوع اول قسط علي والمالك دفع قسط من 5 ايام الحين من يتحمل قسطي وقسط البايع مع تاخير شهر ونص
وعلي الساعه اربع اتصل في الموضف ارباب جيب تامين شامل ساعتها انفجرت عليه يحمد ربه اني بعيد عنه التائمين عنده من شهر والحبيب امضيع ورقة التامين اتصلت في المندوب عندي قلتله طرشله فكس الي اموقع عليه انه استلم البوليصه مني قام يكاكي وانا اسب فيه وفي مديره
وهذا اخر تعامل وياهم حولت اربع معاملات علي مصرف ابو ظبي الاسلامي من اسبوع وبعد يومين المواتر امسجله ومستلمه الخط لا مشاكل ولا هم يحزنون بس بالعند فيهم بخلي الحساب وبمول في بنوك ثانيه عشان كل مايسال الموضف ليش اسبه واسب البنك علي معاملته
هذي حلقه من حلاقات دبي الاسلامي و ياي عندي صوار الشيكات ساحبينها قبل موعد الاستحقاق باسبوع ويوم الاستحقاق بعد ردو سحبو بس ياليت البنك كان في امريكا او اوربا كنت خليت الموضفين الفيه يلحسون القار علي الي يسونه في الناس ومن اهمال
وعلي فكره البنك هذا حاليآ خص بجنسيتين هم الي تمشي اوراقهم في البنك مثل الماي
ضحكتني خدمة البطاقة اليديدة في بنك دبي الاسلامي.
نفس الفيزا بس على قولتهم أأمن. اولا تقدر تستخدم 20% فقط من بطاقة الفيزا الي عندك. لو فيزك مال 10000 درهم, تقدر تستخدم 2000 فقط في البطاقة اليديدة. والتعبئة تفعل بعد يوم او يومين عمل. وعليها رسوم بشكل سنوي 75 درهم ما ادري كم.
اتصلت بي وحده وقالت لي تبا البطاقة وعطتني هالمواصفات, قلت لها يوم انا عندي الفيزا مالكم وهي بالضبط نفس هاليديده, ليش اخذها؟! قالت لي أأمن, قلت من اي ناحية؟ ترى نفس الشي, هذي تعبيها والثانية تعبيها. الا هو فرق اللمت.
بس بعد, يبقى بنك دبي الاسلامي بالنسبالي افضل بنك.
معظم الاسباب المذكور والتى تنتقص من مكانة البنك غير مقنعة
انا اشوف ان اغلب الشباب زعلانيين من اجرائات البنك الروتينيه الي هدفها الاول حفظ اموال العملاء.
يعني يا شباب لما البنك يقولك ابا شيك عند سحب اي مبلغ من الكاشير هذا فيه حفظ لاموال العميل اولا و اخيرا.
مافي بنك مافيه عيوب
و بصراحه دبي الاسلامي هو الافضل على الاطلاق