السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
مشاءالله اتطورو الجماعة ربيعي يقول مطرشين مسجات على الموبايل يخبرون الناس انهم فتحوا حساب الضمان ولازم الذهاب للمكتب لتعديل الاوضاع المالية و المهله 3 أيام.
الشيخ فاتح ابوابه وعمره ما رد احد خايب انتوا اتوكلوا وشوف النتيجة
اخوي ابو يوسف
هل في قرار او شي يدل على ان اذا اجتمعنا 40% ممكن يردوا حقوقنا؟
وانا اخوي مب اتوقع لو قدمنا بطلب لمكتب شيخ عجمان بدون واسطة عدلة بتمشي
أنا مب متشائم بس احاول أني امشي ع المضمون وما نبا نتبهدل ونظرب خطوط بدون ما ندرس الاحتمالات
وانا اخواني وياكم سواءا بترفعوا دعوى او تبونا نسوي مظاهرات أو حتى نسير انفحط جدام مكاتب سوان أو نسير وكل واحد في ايده قبان(عصي) ونبدأ نطلع حرتنا في مكتبهم وع موضفينهم الي شاركوا في النصب والايهام
والسموحة
انا اقترح ان تتقدمون بطلب لمكتب سمو الشيخ في عجمان وهو سوف ينظر بالموضوع و يحله لان دائرة التنظيم العقاري ما هامهم شي ولا عندهم الية محددة لحد الان لتحصيل الحقوق
يا ريت أخوي عين يافع تبلغنا إذا انت موافق أولا حتى الاخوان يرسلون بياناتهم لك على الخاصإذا ما عندك مانع …