السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
انا أشوف ان راي أخوي أبو يوسف صحيح 100%
بس باقي آلية استرجاع الفلوس
هل جرب أحد ياخذ فلوسه منهم ودي؟؟؟
إذا نعم كان بها
إذا لا ما في غير طريق المحاكم حتى لو الموضوع طول المهم ما يضيع حقنا ولو فلس مب درهم !!!
انا اشوف ان نجمع اسامينا كلها كخطوة مبدئية مع واحد منا وليكن الفاضل (عين يافع ) إذا وافق طبعا و نتخذ خطوة عملية و ان شاء الله الموضوع بيتيسر بس نكون يد واحدة
ورجااااء لا للإحباط لان هذا اللي يبونه انه نمل و نستعوض الله في فلوسنا ونرضى بأي حل منهم …
والله يا اخوان انا اشوف كلام بو يوسف صحيح و غلط انه نستمر وياهم لانه مافي اي دليل على مصداقيتهم و باقي شهر او شهرين وانكمل سنه
وانا انصح اللي ماخذين في برج كمفورت انهم ما يحولون الى سكاي و بيكون موقفهم اقوى لانهم اعترفوا انه مشروع كمفورت متوقف لين ما ينتهى موضوع برج سكاي يعني احتمال يرجعون الدفعات… كلمت واحد في سوان عجمان و قالي بنخصم 10% من قيمة الشقه و ليس المدفووع!!!!!! و ازيدكم بعد قالي المبلغ المتبقي بتستلمه بعد ما انبيع الشقه لشخص ثاني ؟؟؟؟
يعني صراحه قاعدين يلعبون فينا كيف بيسوون اعادة بيع ومافي اصلا مشروووع!! انا اشوف نراجع الوادي الاخضر الوسيط اللي شرينه من عنده لانه هو اللي عطانا تواريخ بداية الشغل و التسليم من يوم حطوا الاعلانات فالجرايد عن البرجين… و لوتكرمتم يا اخوان ابغي اعرف اسعار الشقق ( غرفه و صاله ) ف سكاي من ايام شهر9 2008 او بعد هالفتره و قارنها مع سعر شقتي اللي هو 415000 و ملاحظه يا اخواني اتمنى انه محد يتهاون او يقول ياخذون نسبه و يرجعون الباقي المهم افتك ترا والله حرام اتضيع الفلوس عالفاضي و هاي سياستهم تحطيم المعنويات لين نفقد الامل و نمشي على هواهم يعني حتى لو اتكنسل المشروع اعتقد هم بعد مستفيدين شيئين – استفادوا سيوله من دفعاتنا و ثاني شي النسب اللي بيحصلونها من ورا اي واحد بيكنسل يعني معدل 30000 من كل شخص
انا اريد اسال كل من له شقة في مشروع سوان الان انتم تشترون الشقة على سبيل المثال بمئتين الف درهم وعندما تكون جاهزة سوف يكون سعرها في السوق مئة و خمسين الف او اقل يعني انكم خسرانين خسرانين و الاحسن للكل عدم البدء بالمشروع لانه بصراحة مضيعة للوقت و المال و الي خسر عشرة رايح يخسر وراها ثلاثين و الاحسن الزام شركة سوان برد الدفعات منقوصة نسبة مئوية معينة لكي يتم الغاء المشروع و هذا يتم اذا اجتمع اربعين بالمائة من المشترين على هذا الراي و انا اشجع على هذا الراي لان الخسارة في تصاعد.
الجماعة عندهم مشاكل لها اول و ما لها اخر
الذي لا يتحرك الان تكون راحت عليه
السلام عليكم ورحمة الله اخواني الكرام .. شكرا لكل من رد وشارك بالموضوع … وفعلا كما قال أحد الاخوة ” كلنا على قارب فإن غرق غرقنا جميعا وان سلم سلمنا” بس عندي كمن ملاحظة
أولا : ردا على ذاكرة ورق (( أنا ما برد عليك ،، ولكن بختصر قولي ….. وان خاطبكم السفهاء فقولوا سلاما ،،،، فما بالكم بالمنافقين ،،،، ودي أعرف يا ذاكرة ورق لي متى بتقعد ترقع للجماعة … مرة تقول شركة شوان لهم مكانتهم بأسبانيا ومرة تقول ياني مشتري وما بعت بسك ترى السالفة أمصخت .. واذا ما عندك شي تقوله ترى السكوت من ذهب …. (( من كان يؤمن بالله وباليوم الاخر فليقل خير أو ليصمت ))
ثانيا : شكرا اخوي حارثة وتراني مستعد للي تامرون فيه وتقررونه اتمنى نتجمع كلنا ونوكل محامي بأسامينا كلنا وصدقوني (( لا يضيع حق وراءه مطالب ))
ثالثا : اخوي مدريد …. نفس الموضوع معانا كلنا وأتمنى من الجميع ما يدفعون فلس واحد لين ما نشوف العشرة بالمية على أرض الواقع مب وعود وبس … وما عليكم من التنظيم العقاري أنا كان عندي مجرد شك بتواطئهم من شركة سوان ،،، أما الان فأنا متأكد بالتواطئ الواضح ،،،، عيني عينكم ….. وكأنهم يقولون لنا الحين لو فيكم خير روحوا وارفعوا دعوى على سوان طبعا استحالة نكسبها دام انهم مدعومين من التنظيم العقاري ،،،،، بس ان شاء الله أقدر أوصل قضيتنا للي أكبر من التنظيم العقاري ،،،، وقريب ان شاء الله ،،،، والله إني فرحت يوم قالوا التنظيم العقاري قلت في خاطري بيادبوهم الحين ،،،، وبالاخير أدبونا نحن
أشكر كل من تواصل وأرجوا قراءة المزيد منكم اخواني
اخوكم ::: عين يافع
باجر بسير بغير توقيعي
لكن الحرامية سارو صروفوا شيكين من شيكاتي لكن الحمدلله مصفر الرصيد