السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
السلام عليكم ورحمة الله
اخواني انا بقدرة من الله دخلت المنتدى ووجدت ما تقولنه عن البجعة لاني انا ايضا اشتريت شقة في سكاي تاور والى الان دفعت 110 الف درهم والوسيط كان شركة جلامر في ابوظبي والى الان ما استلمت عقد من جلامر لانهم اعطوني العقد بالانجليزي فرفضته وطالبتهم بترجمة بالعربي فحولوني على البجعة وصار لي ثلاث شهور وهم يما طلون في تسليم العقد وكل ما اتصل يقولون بعده ماوصل من عجمان ولا ادري شو هدفهم . المهم رحت راجعت جلامر وقلت لهم انا ما اعرف لا الوادي الاخضر ولا البجعة أنا كل وصولاتي وشيكاتي عن طريقكم والان اريد استرجع فلوسي ، فقالوا مهلينا لين ما نراجع الوادي الاخضر ونشوف ونحاول معهم وهددتهم اني راح ارفع عليهم قضية . وبعديني أتريا فارجو من الاخوة الكرام ان يرشدوني خاصة اني حرمة وما افهم في هذه الامور والان اسكن بالايجار في ابوظبي وقلت يعني الواحد يضمن محل يأويه مع عيالوا وطلعت السالفة كلها كذب وكل الي جمعته راح فحسبي الله ونعم الوكيل .
السلام عليكم اخواني واخواتي
انا ما عندي اي مانع اني اخذ اساميكم وارقام الشقق الي وياكم والمبالغ المدفوعة وتاريخ الشراء واوصلها لديوان حاكم امارة عجمان الله يحفظه ويحفظ شيوخنا الكرام….
وانا متاكد 100% ان حكومة عجمان بتنصفنا كلنا ..
…..
وبالنسبة للتجمعات والمظاهرات صدقوني اتضح ان التجمعات لها تاثير ايجابي في معظم الحالات … وذكرتوني بالمظاهرات الي صارت من قريب بدبي ضد احدى المشاريع هناك .. وبالفعل فقد اتخذت حكومة دبي الموضوع بشكل جدي وحازم وارجعت للناس كافة حقوقهم …
……
خلونا نجرب وما نستبق الاحداث … نبي نوصل هالمعلومة لديوان حاكم عجمان .. وبعدها لكل حادثة حديث ….
ارجو من الكل مراسلتي على الخاص … يذكر فيها البيانات المذكورة اعلاه … والله يعينني على توصيل اصواتنا لحاكم عجمان وان لزم الامر ولي عهد ابوظبي الله يطول باعمارهم ويجعلهم ذخر لنا
من رايي انه لازم نتخذ قرار دام انه الموضوع وصل لهاي المرحله… باقي بعد يفتحون علينا بلاغات فالشرطة بسبب الشيكات المرتجعه ( شيكات بدون رصيد )…. طبعا اكيد الجماعه ف سوان كل يوم يدخولون المنتدى و يشوفون ردود الاعضاء و يجهزوون كلام حقنا يوم انراجعهم ف اذا بنتخذ قرار او خطوه افضل انه يكون الكلام عن طريق الرسائل الخاصه فالمنتدى
مراحب اخواني
انا عن نفسي طرشولي مسج اليوم وفيه نفس الكلاس الي الي قاله اخوي سونك
عالم تنصب واتهدد
ما وصلني شي
يا ريت انطالب بحقنا مثل ما يطالبون بالدفعات
صراحه فيهم وقاحه مش طبيعيه