ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
لا حول ولا قوة الا بالله
الله يشفيه ويقومه بالسلامه ويطمنكم عليه اختي
وان شاالله المجرمين ياخذون يزاهم حسبي الله عليهم
تستاهلين سلامة ولد أختج يا أخت سمهي عالي ونسأل الله بشفاء العاجل والله يهدي شباب المسلمين
أول شي الحمدالله على سلامة ولدكم أخت سهمي عالي
بس أنا مستغرب من شي بعض الردود تقول ان مثل هذه العصابات عندهم واسطة ؟؟ كيف شخص يحاول يقتل و ناس تتوسطله أنا ما أعتقد أ، فيه مسؤول كبير بيخاطر بمنصبه عشان انسان مجرم يستحق أشد العقوبات .
احنا سكان مدينة العين لا توجد على حسب علمي هذه الفئات و لم أصادف في حياتي ناس هكذا حتى في دبي و الشارقه الحمدالله و فعلا أنا منصدم كيف توجد في مجتمع الامارات ناس بهذا الجرم أنا لو كانت عندي السلطة بقلع أظافرهم و بقطع أصابعهم من فوق عند أول خط و بقولهم اذا سويتوا جريمة ثانية بقطع أصابعكم للخط الثاني و كل جريمة جديده بقطع فيكم الين للكتوف و لا أبو واحد فيهم بيقدر يشل سكين في حياته و بيكون شعاره ( الأمن و الأمان ) و ليكونوا عبرة لغيرهم
وعليكم السلام والرحمه
تسلم يا اخوي..والنعم فيك
ومشكور كلك طيب
وانا طرشت لك على الخاص..
وان شاء الله خير
لا هنتــــــ
ربي يحفظك
الله يكون في عونكم يا سهووومه والله اصراحه قهر
بس شو بتقولين
عقابهم عند الله شديد
والله ما يضيع حق حد
وهذا ابتلاء من ربنا
والله يبتلي من يحب
وانه الله مع الصبرين