ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
طويلي بعمرج الغاليه … لا يكتب القصص .. يكتب انه نحن لين وين بنوصل في هالشي … الناس تقول الناس بدو يخفون في هالسوالف … لا والله
من غير واحد من هلي يهددوونه بانه يجتلونه مع انه ما سوى شي … ووصل لعند الكباريه اللي في الشرطه وقالهم بيجتلوني … يردون عليه يقولوله وين عايش البلاد آمان … لين ما خلوا ولا قطعه فيه … لين ما ادفنووووه والدم ما وقف …..
الله يرحمه
يعني الواحد قام يخاف يخلي عياله يوقفون عند باب الحوي…
يعني ساعات اقول لامي لا تحبيسنهم عطيهم ثقه كامله بس لا تبينلهم خله يلعبن كره ويردون عطيهم يدافعون عن نفسهم … في امور كثيره بس لا تزيدها لانه البطره بسرعه تتنقل ..وخاصه للصغار
الله يسلمك يا اخوي
وكلامك سليم
تراهم يقلدون الغرب …وقله تربيه ونصح
وتدري اخوي سعيد عصابة هالابليس عمارهم من 21 لين 30
يعني مب صغار…. جعاروه….
ويستحقون العقاب والحبس
وتدري هم من عيمان والشارجه
متيمعين على الشر
حسبي الله عليهم
وان شاء الله نتريا
وبنشوف الاوضاع لين وين بتوصل…
وتسلم اخوي سعيد
لا عدمناك
احس اني مب قادره اصدق قاعده اقول ان شاء الله مقلب مب صدق طلع صدق
شو السالفه مع هالاجرام الي كثران شمسه المهيري تطري سالفه الحرامي الي كان بيذبح اختها وانتي تطرين هالسالفه يالله تعينا زين ما يتعقد الياهل حسبي الله ونعم الوكيل عنبو الي سوه مب شوي
حمد لله على سلامته وما يشوف شر وربي يحفظنا ويحفظكم من كل مكروه
تستحقون سلامتة وما تشوفون شر ان شاء الله ، نسأل الله العظيم رب العرش العظيم ان يشفية من داء يارب العالمين ،، بس هاذولا يبالهم سجن في جزيرة بحرية سنة كاملة مع تدريب عسكري قاسي وبعد هذة العقوبة دوام في احد الجزر البحرية ،
اللهم امين
ومشكوره الغاليه هذا من طيبج
لا عدمت هالطيب وهالاخوه الطيبه
ربي يحفظكم
وانا بسير لهم الحين المستشفى
عشان اطمن واطمنكم
وعلى الخير نتواصل