اليوم الضحا كنت في هارفي نكلس اللي في امارات مول وشفت وحده …….. لابسه شورت ابيض
وقميص اصفر بدون اكتاف واكثر من هذا بعد
ووياها ريال ؟؟؟
من نفس جنسيتها …..جنه الدب القطبي
ومت من القهر فسرت رمست وحده من العاملات في المحل
قلتلها سياسة المول ماتسمح بهالشي اللبس العاري والحركات المايعه قالت
صح بس محد يقولهن شي
سرت وزقرت سيكيورتي المول وسبحان الله تقولون هو بعد مضغوط وبالفعل قال عندنا صلاحيه ننذرهم
ونوجهه الهم الكلام وطلع من جيبه كرت صغير مكتوب عليه الممنوعات في المول
وقال راويني اياها وسرت وياه المحل وتمينا ندورها وصراحه ضقت يوم ماشفتها بس هو تم بروحه
يدورها ولقاها وسارالها وكلم ريلها واشرله الريال انه ما يعرف انجليزي وقالت انا اتكلم انجليزي فظهر الها
البطاقه وقال لها لازم اكتافج مغطايه واللبس تحت الركب وشويه ردت عليه بحده قالها هاي سياسة المول
واما غيرها فغير مرحب به فقالت انا اسفه بطلع من المول قالها زين واذا فكرتي اتردين البسي لبس محترم …
وعطاني رقم غرفة المراقبه وقال اي شي اتشوفونه اتصلوا على هالرقم وخبروهم ويين وشو شفتوا وعلى
طول بيتصرفون
واتصلت وفعلا جاوبني شخص هندي وايد محترم وقلت له مول الامارات يتمتع بسمعه عالميه ومركز
مرموق وانتوا ماشاء الله حطيتوا قانون للاحتشام مشكورين وخطوه وبادره رائعه منكم بس ياليت تفعلونها اكثر
وقال نعم معاكم حق وهذي مسألة اخلاق مب بس دين و انتو لازم اتساعدونا قلتله حطوا السكيروتي عند
المداخل واللي بتشوفونها جذه امنعوها من عند الباب قال ان شاء الله وبالصدفه وانا ارمسه خطفت حذايه
وحده غير محتشمه وبلغته قال الحين بطرش الها حد والرقم هو 044099160
الرقم خاص بمول الامارات مب لدبي كلها ولا لباقي الامارات
الموضوع منقول
اعتبر بعض الفقهاء الامر بالمعروف والنهى عن المنكر
سادس اركان الاسلام وهو من اسباب منع سخط
الله وهو ما يميز امة محمد صلى الله عليه وسلم
والغيرة المنضبطة على محارم الله التى نراها من
بعض الاشخاص شيء مفرح ويدل على ان الخير
موجود فى الامة
شكرا للناقل وشكرا لصاحبة التصرف الحميد فى
مول الامارات … اللتى لم تقل وانا مالى ان شاء
الله يمشو عريانين فى المول
يزاج الله خير على طرح الموضوع … الصراحه الاجانب وجميع الجنسيات الاخرى الغير محتشمه ماخذين راحتهم على الآخر لان ما في حد ردعهم ووقفهم عند حدهم … بس لازم يعرفون انهم في بلاد عربيه مسلمه ولازم يحترمون اعراف وتقاليد ودين البلاد إلي عايشين فيها لازم كل واحد منا يغير اذا شاف شي يخل بالاخلاق ولو بالكلام على الاقل نحرجهم وصدقوني حتى لو ما استجاب بنفس الوقت بس راح يفكر اذا بغى يلبس ملابس غير محتشمه انه راح يتعرض للاحراجات وراح يحاول يبتعد عنها … ومش برضاهم غصبا عنهم لازم يعتدلون دامهم في دولة الامارات العربيه المتحده .. والله قهر النساء العربيات المسلمات في بلادهم يعانون مانعينهن من الحجاب والاحتشام ليش نحن العرب المسلمين نمشي على كيفهم في بلادهم ويطبقون علينا قوانينهم مع انهم يدرون انها تتنافى مع تعاليم ديننا الاسلامي ليش احنا ما نطبق عليهم الاحتشام تماشيا مع اخلاق واعراف البلاد ….. لازم ما نوقف نشاهد سقوط شبابنا وبناتنا في وحل فتنهم القبيحه …..
الله يهدي شباب وبنات المسلمين جميعا
شباب حد منكم يجرب يسير المول ويتصل بهالرقم لو شف مظهر من مظاهر عدم الاحتشام ويخبرنا شو صار معاه وهل فعلا الادارة جادة ولا لا.
منقذ
السكيروتي بيتعب من كثر الاتصالات
بيسوي طااااااف