اليوم الضحا كنت في هارفي نكلس اللي في امارات مول وشفت وحده …….. لابسه شورت ابيض
وقميص اصفر بدون اكتاف واكثر من هذا بعد
ووياها ريال ؟؟؟
من نفس جنسيتها …..جنه الدب القطبي
ومت من القهر فسرت رمست وحده من العاملات في المحل
قلتلها سياسة المول ماتسمح بهالشي اللبس العاري والحركات المايعه قالت
صح بس محد يقولهن شي
سرت وزقرت سيكيورتي المول وسبحان الله تقولون هو بعد مضغوط وبالفعل قال عندنا صلاحيه ننذرهم
ونوجهه الهم الكلام وطلع من جيبه كرت صغير مكتوب عليه الممنوعات في المول
وقال راويني اياها وسرت وياه المحل وتمينا ندورها وصراحه ضقت يوم ماشفتها بس هو تم بروحه
يدورها ولقاها وسارالها وكلم ريلها واشرله الريال انه ما يعرف انجليزي وقالت انا اتكلم انجليزي فظهر الها
البطاقه وقال لها لازم اكتافج مغطايه واللبس تحت الركب وشويه ردت عليه بحده قالها هاي سياسة المول
واما غيرها فغير مرحب به فقالت انا اسفه بطلع من المول قالها زين واذا فكرتي اتردين البسي لبس محترم …
وعطاني رقم غرفة المراقبه وقال اي شي اتشوفونه اتصلوا على هالرقم وخبروهم ويين وشو شفتوا وعلى
طول بيتصرفون
واتصلت وفعلا جاوبني شخص هندي وايد محترم وقلت له مول الامارات يتمتع بسمعه عالميه ومركز
مرموق وانتوا ماشاء الله حطيتوا قانون للاحتشام مشكورين وخطوه وبادره رائعه منكم بس ياليت تفعلونها اكثر
وقال نعم معاكم حق وهذي مسألة اخلاق مب بس دين و انتو لازم اتساعدونا قلتله حطوا السكيروتي عند
المداخل واللي بتشوفونها جذه امنعوها من عند الباب قال ان شاء الله وبالصدفه وانا ارمسه خطفت حذايه
وحده غير محتشمه وبلغته قال الحين بطرش الها حد والرقم هو 044099160
الرقم خاص بمول الامارات مب لدبي كلها ولا لباقي الامارات
الموضوع منقول
ها القانون فقط للعرض و ليس للتطبيق
جـــزاك اللــه خـــير أنـــت رجــــل والرجـــال قلـــيلــــوا ( أفضــل تحيــة نبعثهــا لك أخـــي لتصرفكم ) ..
يــا رجـــالنــا انتــــم تحفظونــــا انتـــم بيدكــم الحــفاظ علينـــا ولـــيس فقــط نحـــن
وليــــش تستغـــربــون يســـتوي تـــشي مع وحـــده من بنـــاتنــا
يمكـــن باتشر تسمعــــون نـــاس وايــد ســووو تشـــي ( هـــذا اللي لازم يستــوي من زمــان )
بنـــاتنــا اذا شـــافـــوا شـــي مــب زيـــن يغـــيرونـــه ما يتمـــون ساكتـــــين
وهـــذا العشـــم فيكــم عيـــال بابا زايـــد وعيــــال الامـــارات الحبيبـــة عيال ديــرتـــي
أنا دائما أفتن عليهم يوم أشوف شي ما يسر، بعضهم ما تنفعلهم إلا الدفاشة !
قانون الاحتشام حق الي ماله سفاره في الامارات
جزا الله خير الشخص لي تحرك وخبر ادارة مول الامارات بالموضوع وجعلة ربي في ميزان حسناته
ومشكورة ادارة مول الامارات على هذا القانون لي انفرد فيه هذا المول عن جميع مولات دبي
لكن احس بتطبيقة بطريقة الصحيحة يحتاج الى شوية جرأة وحزم ابتدأ من ابلاغ السياح وهم في فنادقهم
بموضوع اللبس المحتشم الان جميعنا يعرف ان مب كل السياح لي يون عندنا انجليز اغلبيتهم من روسيا
والمانيا ومن دول ماتتكلم باللغة الانجليزية وثاني شي وضع سكيورتية على كل مداخل مول الامارات
شغلتهم تنبية السائح بهذا الموضوع وفي المستقبل يشددون بمنعهم من دخول المول وبهذي الطريقة
القانون بينجح ,,,, وبهذي الطريقة نقدر نوصل رسالة للغرب بمفهومها انهم غير مرحب بهم في دولة الامارات
وهم بهذي الملابس الغير محتشمة فهذي دولة مسلمة الاحتشام شعارها .