اليوم الضحا كنت في هارفي نكلس اللي في امارات مول وشفت وحده …….. لابسه شورت ابيض
وقميص اصفر بدون اكتاف واكثر من هذا بعد
ووياها ريال ؟؟؟
من نفس جنسيتها …..جنه الدب القطبي
ومت من القهر فسرت رمست وحده من العاملات في المحل
قلتلها سياسة المول ماتسمح بهالشي اللبس العاري والحركات المايعه قالت
صح بس محد يقولهن شي
سرت وزقرت سيكيورتي المول وسبحان الله تقولون هو بعد مضغوط وبالفعل قال عندنا صلاحيه ننذرهم
ونوجهه الهم الكلام وطلع من جيبه كرت صغير مكتوب عليه الممنوعات في المول
وقال راويني اياها وسرت وياه المحل وتمينا ندورها وصراحه ضقت يوم ماشفتها بس هو تم بروحه
يدورها ولقاها وسارالها وكلم ريلها واشرله الريال انه ما يعرف انجليزي وقالت انا اتكلم انجليزي فظهر الها
البطاقه وقال لها لازم اكتافج مغطايه واللبس تحت الركب وشويه ردت عليه بحده قالها هاي سياسة المول
واما غيرها فغير مرحب به فقالت انا اسفه بطلع من المول قالها زين واذا فكرتي اتردين البسي لبس محترم …
وعطاني رقم غرفة المراقبه وقال اي شي اتشوفونه اتصلوا على هالرقم وخبروهم ويين وشو شفتوا وعلى
طول بيتصرفون
واتصلت وفعلا جاوبني شخص هندي وايد محترم وقلت له مول الامارات يتمتع بسمعه عالميه ومركز
مرموق وانتوا ماشاء الله حطيتوا قانون للاحتشام مشكورين وخطوه وبادره رائعه منكم بس ياليت تفعلونها اكثر
وقال نعم معاكم حق وهذي مسألة اخلاق مب بس دين و انتو لازم اتساعدونا قلتله حطوا السكيروتي عند
المداخل واللي بتشوفونها جذه امنعوها من عند الباب قال ان شاء الله وبالصدفه وانا ارمسه خطفت حذايه
وحده غير محتشمه وبلغته قال الحين بطرش الها حد والرقم هو 044099160
الرقم خاص بمول الامارات مب لدبي كلها ولا لباقي الامارات
الموضوع منقول
اضطروا ينزلون قانون احتشام
هذا وحنا دولة مسلمة!!!!
مفروض الغرب بديهي يلتزمون باللباس المحتشم
من يوصلون الدولة
ياليت كل من شاف منكر حاول بغيرة بطريقتة الخاصة ..
واذا أدارة مول الامارات تبى يكون المول محترم لابد من تطبيق النظام على الاكل..
لأن الي بيدخل مرة وبيشوف بعينة قلة الادب والملابس الفاضحة للايـــــــــــــــمكن يزورة مرة آخرى مع أهلة هذا اذا متبقي عندة شي من…………………الغيرة….!
الي أصبحت من العملات النادرة إلا من رحم الله
ياليت يكون في قانون ملزم بالاحتشام في كل الدولة
الله يكثر من امثالج اختي ديره
ربي يوفقج
خلكم شوي متفائلين + ايجابيين يعني لما تعلون اصواتكم انتم بتسببون بالتغيير اذا ما تواجد او كان ضعيف
محد يكتب مافي فايده او من ها الكلام الافضل انك ما تتعب نفسك و ترد