السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
تفكير سليم للجميع بس اخوي ماتلاحظ ان فكره ان يحمل الاعلان مادري كيف احسها شوي ثقيله لان انا شخصيا ماحب ان اقطع اعلان من الجريده واروح فيه على محل بس هي مجملا فكره حلوه وماعليها كلام
بس كلامك صحيح بخصوص الفضول ترى صحيح يلعب دور قوي ومهم
ياخي الصراحه عندك افكار حلوه يا trading_line وينك من زمان ما طرحت هالافكار ومره ثانيه اشكر الاخ نايف عالموضوع لانه فعلا انشالله بيكون له فايده علينا وبيساعدنا من خلال خبراتكم
اخوي trading_lineمشكور على الافكار….وخلاص شورك وهداية الله وبأجل موضوع الsmsمثل ما قلت وبددا بالروشورات وانشالله انها تفيدني………الحين انشالله بطرشلك رقمي عالخاص…..
اخويalqnnas_reeal_estate مشكور على اقتراحاتك وافكارك وانشالله بحاول اطبقها فاقرب وقت……..
انا اريد اسوي اعلان يجذب الزباين لنا لكن مايجبرهم انهم هم يوصلون للصالون…..لان بصراحه احس الموقع واااااايد يلعب دور ونحن موقعنا بعيد عن الزحمه وانا محتاجه زحمه…..عشان جذي انا اريد شي يجذبهم انهم هم يطلبون خدماتنا توصلهم للبيت……انا ماشيه على خطه اعتقد انها فعلا ساعدتنا في جذب كم زبونه وهي ان اسعار خدماتنا للبيوت مثل اسعارنا فالصالون مع العلم ان معظم الصوالين ياخذون الدبل اذا طلعو لبيوت……والحمدالله هالطريقه مثل ماقلت فادتني شوي….لكن اريد طريقة جذب اقوى…….
اعتقد بعد من اساليب الدعايه الناجحه هو المصداقيه…..لان البعض يسوي دعايه ويطلع فالاخير كلها مبالغهXمبالغه…..يعني لازم ما نحط فانفسنا شي مش موجود من الاساس…..انشالله اكون قدرت اوصل لكم اللي اقصده ويكون كلامي فمحله……
السلام عليكم
اخواني انا لي وجهة نظر
اللي تقولونه من ناحية العروض كلام صحيح بس في تكراريه
يعني مثلا ممكن تحصل في الوسيط اكثر عن اعلان عن اكثر من صالون نفس الصيغه ونفس العروض
بس تلاقي مثلا اعلان معكوس او معروض بالعكس يعني من تحت لين فوق هذا اللي بيلفت النظر عن اي اعلان ثاني في نفس الصفحه.
انا اكرر عن استغلال الفضوووول لدى الانسان
على سبيل المثال
هذا ممكن يكون نص اعلاني
((سيدتي احضري معكي صفحة الاعلان وتوجهي مباشره لدينا او قومي بالاتصال لحجز اسمك وستحصلين على الخدمه الجديده المميزه الخاصه الممنوحه لحامل الاعلان فقط
ملاحظه:
الخدمه حصريه لصالون Xxxxxx وغير متوفره باي صالون اخر))
هههههههههههههههههههه
شوف هني الفضووول شو بيسوي
طبعا مع التاكيد على عدم ذكر اي شء عن طريق الاتصال الا الحضور شخصيا
وطبعا ممكن تكون الخدمه المميزه من ابتكار الصالون
يعني اي شيء بس مميز
مثلا 4 خدمات بسعر خدمتين او مثلا كل خدمه مقابلها خدمه او مثلا لكل حامل اعلان تجربه مجانيه للمكياج
يعني العروووض ممكن تكووون كثير
وفي من الطرق الاعلانيه وايد يكون فيها التكرار بنفس اي اعلان اخر بس مع التميز في طرق العرض او الالقاء………….
والسموووحه منكم
وشكرا للجميع على التواصل
صباحكم فل وياسمين
بصراحه الجميع ما عليكم زود كل يدلي بدلوه واللي لازم نوقف عنده هو مدى حب الاخ نايف لمساعدة الجميع وهذا شيئ انا عن نفسي اعتز به والله يكثر من امثالك اخوي نايف واللي عنده فكره خله يحطها ع العام مثل ما ابتدى الموضوع مثل ما قال الاخ نايف والاخت ام شيخه مثل هذه المواضيع تكون مرجع للجميع بدون استثناء ..
اختي ام شيخه في البزنس الاراده مع الخبره والاصرار على النجاح لا يوجد ياس ولا خساره الخساره هي الاقرار بها قبل وقوعها
تقدري تجددي نشاطك عبر تقديم خدمات جديده مثل ما قالو ا الاخوان ومع الدعايه كل شي يصير انتبهي لهذا الموضوع الدعايه فالبزنس ثم الدعايه ولكن يجب ان تكون مقرونه بافكار جديده في مجال عملك
ساعطيكي مثال … لو نزلتي اعلان في جريدة الوسيط يتزامن مع اعلان في جريدة اخرى اعلانيه بحته
وفحوى هذا الاعلان ( عرض مغري مثلا ) ( فقط بخمسين درهم عمل كوافير + ماكياج ) او قصه مثلا والقصد هنا لفت النظر للصالون على ان تكتبي مثلا العرض ساري لمدة ( 15 يوم ) ولايام الخميس والجمعه مثلا .. بذلك لو كسبتي عشر زبونات جدد لصالون يكون هناك تقدم وفي الشهر التالي نزلي اعلان عن عرض مماثل لكن لامور اخرى مثل ( ب 30 درهم عمل مناكير وبداكير ) والعرض ساري لمدة 15 يوم اخرى فتكوني قد حققتي حركه على مدار الشهر وفي هذه الحاله اللي جايه تسوي كوافير بتشوف الاعمال الاخرى والهدف هنا التعريف بمقدرات العاملات لديك
لا تاخذي الاسعار اللي قلتها بشكل جدي انا قلت على سبيل المثال لا الحصر وهي فكره تستطيعين تجربتها لمدة شهر وتقدري تقسمي العروض لاربع اسابيع فالشهر وممكن هالشي يسوي حركه جديده في الصالون ومنها تكون انطلاقه وبنفس الوقت لازم يكون عندك فنيين لاستيعاب زخم الاعلان وحاولي تخسري ع الاعلان شوي فالبدايه يعني صممي الاعلان عند مؤسسة دعايه واعلان وخليه يسويلك بروفه ع الاعلان باكثر من ديزاين واختاري الاجمل انتي عارفه الحريم يحبون الزخرفه جربي وانشالله رح تلقين نتايج طيبه
تقبلوا وافر احترامي لارائكم الطيبه
بالبدايه صباح الخير والنور واشكرك اخوي على هالكلام الطيب والمدح وماقصرت والله وان شالله نشوف مشاركات الجميع
ثاني شي ترى فكرتك حلوه من قلب وياليت الكل يستفيد منها مش بس بنظام الصالون الا بكل الانشطه
ترى فكرة ان عروض بسعر مغري لفتره محدده تزيد من عدد الزباين ومع الانتباه للعرض المغري تراها فكره ممتااااااازه وتقسيمها على الشهر شي اروع بعد لان بهالطريقه مثل ماقلت ان المشروع بيكون طول الشهر عنده اعلانات وعروض مما تساعده ان يعمل طول الشهر وغير جذي ان يعرف الناس اكثر بباقي الخدمات للمشروع او المحل
والاحلى طريقة البروفات الاعلانيه هالفكره استعملتها من فتره ولقت نجاح حلو.. وبعد كل اسبوع كنت اغير شكل الاعلان وحتى كنت اختار مكانه في الصفحه غير ترى هالشي يلفت الانتباه بطريقه حلوه
يعني شوفوا تختارون مره فوق الصفحه مره اسفل الصفحه ومره عمود كامل على يمين الصفحه وبهالطريقه ترى هالشي يلعب دور بعد
اخوي صراحه افكارك حلوه وياليت نشوف مشاركتك دوم معنا بافكارك القويه والممتازه والله يوفقك ان شالله ويزيد من امثالك اخوي
وبانتظار مشاركات باقي الاعضاء وافكارهم …