السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
اخوي مون
انزين بما ان الحين المحل مسكر يعني يبى لك محل صح بس شوف انا شخصيا مانصحك انك تطلع من دبي وبما ان عندك صالون تقدر ان انت تستفيد منه بشي ثاني غير عن شغل الصالون بس
شوف ترجع تجهز المحل بس قبل لاتفتح المحل خلنا نرتب الموضوع من اول شوي اوكي
يعني يكون النشاط نفس ماهو عليه لكن يقدم خدمات اكثر شلون يعني :
يعني مثلا ان يختص بتجهيز شي محدد يتميز فيه الصالون مثل التجهيز للمناسبات او تجهز سيدات الاعمال او التجهيز للمقابلات الرسميه واعدادها
يعني يكون هو نفسه نشاطك الصالون لكن اضافه كم شغله معاه تميز فيها المحل عشان ان يكون الطلب عليك انت شي يكون مش متوفر بالسوق مثل ماقلت لك التجهيز لشي محدد
الحين مثلا نشوف بعض المحلات توفر مدراء اعمال او محللين ماليين لرجال الاعمال صح
يعني يقدمون خدمات مرافقه لكن مطلوبه صح
فانا انصحك ان تقدم خدمات ثانيه مرافقه لكن مطلوبه وبنبدا نحدد هالخدمات شو بالضبط وقبل لاتفتح المحل نسوي لها نوع من التسويق المبدئي
وان شالله اتابع معاك الموضوع اكثر بس لازم نراجعه اكثر ونحدد الخدمات المرافقه اللي نحتاجها بالاول وبعدها ندرسها تسويقيا ونحللها ماليا عشان نوصل للمطلوب ان شالله
سلام عليكم
اول شي تم تغير اسم الجائزه من جائزه منتدى الامارات لجائزه نايف 😉
لان المشرفين يقولون لاتخلي اسم المنتدى ومادري ليش بس عموما بخليها باسمي اكشخ
وثاني شي يالييييت الاعضاااء اللي راسلوني على الخاااص يكتبون بالعام لان هالموضوع مخليه للعموم عشان الكل يقدر يشارك فيه والله يوفق الجميع ان شالله 🙂
لا اخوي نايف
اولا انا واحد مو بنت :sahem2:
ثانيا بخصوص الاجهزة موجوده بالبيت
والعمـــال طرشتهم اجازة سنوية لبلادهم ( الفلبين )
والمحل تم تسليمه وهو مغلق الان
مرحبا اختي مون
بالبدايه لكل الاعضاء ياليت اللي مر بتجربه او عنده تعليق يكتبه على العام لان ماشالله اكثر التعليقات جاتني على الخاص
والفكره من الموضوع ان الكل يستفيد ترى من تجارب الاعضاء واسباب فشلهم واستراتيجيات النجاح والتعاون التجاري والفكري بين الاعضاء
اما بالنسبه لمون اي ادري خمسين الف حلوين 🙂
انزين نشوف موضوعج الحين الله يسلمج قلتي ان المشكله صارت بسبب ارتفاع الايجار
اول شي بسال انتي للحين في المحل او طلعتي منه ..؟
ثاني شي الاجهزه والعمال وكل حاجه وين وديتيهم في حال ان المحل تسكر…؟
ثالث شي ياليت توضحين هالموضوع بالذات عشان نعرف من وين نبدا سواء كنتي بالمحل او طلعتي منه وعقبها ان شالله نبدا في التصحيح ونطلع من الخساير خطوه بخطوه
وبنبدا اول شي بالاستراتيجيه التسويقيه والتحليل المالي..
وبالتوفيق ان شالله
السلام عليكم
انا ابكون اول المنظمين ( 50000 حلوين )
1- تفاصيل المشروع
المشروع كان صالون نسائي في مدينة دبي ولاكن بسبب ارتفاع ايجار المحل ل 200% بدات بالخسارة
2 – مرحلة البحث عن حل ..
بحثت عن حلول للخروج من المشكله بعد ان دفعت 120000 درهم ديكور وايجار وعمال و اجهزة ولاكن بما ان المشكله الرئيسيه هي ارتفاع قيمة الايجار بحثت عن محل ارخص ولاكن بنفس الجوده ولاكن لم اجد طلبي في دبي ففكرت بنقل المشروع الى امارة تكون فيها الايجارات ارخص بشرط المحافظة على رقي المنطقه والمبنى فاخترت امارة عجمان وما زال البحث عن محل راقي في منطقة راقيه جـــــاري…
:
:
:
: