عندك مشروع خسران او ماعرفت تسوقه+جائزه 50 الف درهم للتميز التجاري

249 thoughts on “عندك مشروع خسران او ماعرفت تسوقه+جائزه 50 الف درهم للتميز التجاري”

1. السلام عليكم ورحمة الله وبركاته
   جمعه مباركه عليكم جميعا
   أخوي نايف مو مقصر صراحه مكفي وموفي واخوي تريدنغ لاين مسوي مجهود رائع ربي يعطيه العافيه ويجزيه خير
   اختي ام حمد بالتوفيق انشالله
   والاخت ام شيخه بس بغيت اقول شي وهو انج لا تسوين زحمة افكار براسج موضوع اعادة هيكلة الشغل في اي مجال تجاري يحتاج للتروي واخذ زبدة الافكار لا تتعجلي وتخيري بين عدة افكار واطلعي بالمفيد منها وحطي خطه سنويه لشغل الصالون مثل ما قلنا قبل خطط اعلانيه شهريه لمدة 12 شهر كل شهر بخطه جديده وانشالله بتلاقين نتيجه طيبه والله يوفقج انشالله
   والاخت شمووخ اول شي برحب فيج وانشالله يكون مشروع الروضه فاتحة رزق وخير عليج يارب
   ومشروعك تربوي واجتماعي وتعليمي بنفس الوقت وبعد يحتاج منج دراسه وافيه يمكن تكوني بتديتي بالتجهيز وهذي اول مرحله اما المرحله الثانيه لازم تستعيني باهل الخبره وتحطين دراسه واضحه وهو بجميع المقاييس مشروع حلو ورائع مع تمنياتي لج بالنجاح والتوفيق

2. صبحكم الله بالخييييييير خواني وخواتي وجمعه مباركه علينا وعليييييكم

   الله يهديك اخويه نايف وين ما تباني اتحرقص وانته لاعب عليه دووور التشويق هههههه

   يالله بنهدي شوي بس لا اتطولون علينا..

   ان شالله اي افكار يديده بحصلها او افكر فيها اكيد باخذ راايكم فيها بس حقووق الطبع محفووظه

   تسلموون اخواني ونترياكم على احر من الجمر

3. السلام عليكم ورحمة الله وبركاته
   بغيت اشارك معكم وحط بعض الافكار الي تفيد الاخوان وتفيدني انا طبعا
   في البداية اشكر اخونا نايف على فكرته الجميلة في التعاون لحل مشاكل التي تواجه اغلب المستثمرين والتي اعتقد انها لا بد ان تواجه حتى الكبار الشركات التي لها باع في السوق اذا ما غيرت من استراتيجية شركتها.

   وشكر ايضا للخوة الذين شاركوا بافكارهم والي انا استفدت منها وايد

   مشاركتي وهي
   الواحد يجب ان يضع هدف كبير اماه وهذا الهدف يجب ان يسعى له
   ويضع خطة توصله لهذا الهدف
   وهذا الهدف الكبير ما يتحقق الا اذا كانت هناك اهداف اصغر منها اذا تحققت تستطيع ان تحقق هدف كبير

   مثلا :
   هدفي في نهاية السنه ان احقق ربح 100000 مائة الف درهم او ان يكون عندي عملاء بحوالي 1000 عميل وهكذا …
   الاهداف : اني اربح صافي بحدود 8400 درهم كل شهر
   كيف هيني تدخل التسويق والدعاية والصيانه والمحاسبه وامور اخرى لا بد من استيعابها
   على فكرة ما شفت حد قال ان مسك الحسابات مهم اي ان يكون عندك محاسب او انك تحسب كل شي بالفلس. ( اظن ان محاسب مهم مهم مهم جدا )

   يمكن اقدم فكرة لاختنى ام شيخه وهو :
   انها ستوي اشتراك اسبوعي وشهري وسنوي للعميلات مالتها حتى ان عميلات يحسون بالفرق ( مهم انك تكسب عميل ولكن الاهم كيف تحافض عليه ).

   ارجوا اني قدمت لكم شي يفيدكم .

   اخوي بدايه هلا فيك ونشكر لك انضمامك معانا والحمدالله ان يصير معانا اشخاص مثلك مفكرين وعارفين وصحيح كلامك الحسابات مهمه جدا جدا

   واستراتيجتك حلوه ان نخلي الاهداف الطويله ونخلي خطة العمل لها بالاهداف القصيره

   وعشان بعد نبسطها شوي شنقول الحين انت قلت ل 100 الف درهم لازم يكون دخل شهري 8400 درهم

   يعني دخل 280 درهم فقط يعني من هالرقم الصغير اللي خليناه في الاستراتيجيه وصلنا للرقم المستهدف وهو 100 الف

   اخوي صراحه تفكير سليم ميه بالميه اهنيك عليه ومثل ماقلت انت بعد ترى الحسابات ثم الحسابات لانها من اهم الاعمده اللي يوقف عليها اي مشروع

   وبالتوفيق للجميع ان شالله

4. الموضوع مابيتراجع ان شاء الله بس التريث مهم جدا فى هذه المرحله ام شيخه .

   شكرا اخوي على مداخلتك وصحيح هذا اللي كنت ابي اقوله وانت وصلته ماشالله عليك

   والحمدالله ان معانا ناس مثلك عشان يفيدونا ونفيدهم..

   ووبالتوفيق ان شالله اخوي

5. وينكم؟اشوف الموضوع بدأ يتراجع؟؟اخويه trading_lineوين الحماس اللي بدينا به؟؟اشوف ماصار شي يديد فموظوعنا……..وانا بعدني فالانتظار.
   اخويه نايف يله اعرظلنا افكارك؟محتاجين شي يحمس ويثير الموضوع مره ثانيه……

   هلا اختي ام شيخه ماشالله عليج وعلى اصرارج وحماسج

   وترى الموضوع ابدا ماتراجع بالعكس الحين احسه صار اقوى من قبل لان ماشالله مثل مانشوف زادوا الاعضاء المشاركين في البرنامج سواء من تجارب او افكار

   والافكار وطريقة العمل كلها بتصير بسلاسه وترتيب بس مثل ماقال اخوي على المكشوف الموضوع يحتاج لتريث شوي لان الحين تونا طلعنا من موضوع التسويق والحين لازم نبدا بخطة الاداره و العمل معاج وبالتسويق مره ثانيه مع باقي الاعضاء والعمل والاداره..

   ولا يهمج اختي كلها يوم او يومين بالكثير وبندخل بالمرحله الثانيه بس مثل مااقول دوم ان حلاة الموضوع يكون بخطوات ثابته وبطيئه احسن من خطوات سريعه وغير ثابته

   وان شالله نتقدم ونثير الموضوع اكثر من قبل افاا عليج وان شالله كل الاعضاء يصيرون مثلج عشان ان الموضوع يكون دوم بقوه وتطور ومشاريعنا بعد ان شالله

Comments are closed.