—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
بارك الله فيكم
إستفدنا من كلامك ونقاشكم
السلام عليكم
يعطيك العافية اخويه “بن دولار”
شو افضل شي شراء (شاحنه_ ولا شيول ) وتاجيرها على الشركات؟
كم يكلف لو بشتري شاحنة او شيول طبعا كولتي تكون جيده ؟
وهل مجال التأجير مازال مطلوب بعد الازمه يعني بحصل شركة ااجر عليهم بسهوله؟
واخر شي من وين ابدأ ؟
اسمحلي …. وبالتوفيق ان شاء الله للجميع
علي حسب الشاحنه اذا شاحنه المانيه او وكالة مرسيدس او فولفو او فوكس فوقن
اما اذا صينيه ابتعد عنها لو يغرونك بالضمانات عليها
بخصوص الارباح يعتمد علي شركة النقليات الي بتأجرها عليهم لازم تدرس اشغالهم
ولازم يكون دريول من طرفك عشان مايكسر قير السياره او يعطالها
يعني صيانه ودريول عليك بس شغل لشركة نقليات وتوكل علي الله ارباحها 100 بالميه
أخوكم
بن دولار
__________________
هلا ومرحبا
بخصوص الكراسي مالها اي مدخول وخساره
افضل انج تاخذي مكاين الألعاب او مكاين القهوه والكوفي او مكاين اي شي غير كراسي مساج
اخوكم
بن دولار
__________________
شو رايك في الشاحنات ؟
يعني اشتري شاحنه و اجرها .. سكس و يل او تريلا ..