—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
السلام عليكم يعطيك العافيه . اذا ممكن ابي منك اقتراح عندي تقريبا قريب 15 الف وابا اسوي مشروع صغير ومب عارفه شو اسوي مع العلم اني من ابوظبي .
ارجو طرح سؤال عشان العامه يستفيدون واي شي انا حاظر علي العام
او الخاص
اخوكم
بن دولار
عندك ياخوي وايد مشاريع
عندك مغسلة ملابس تكلف 90 او 80 الف
عندك كافتيريا تكلف 90 الف
عندك محل عطورات وكسوارات مايكلفك 50 الف
عندك محل زينة سيارات مايكلفك 40 الف
اختار مشروع الي مب موجود قرب بيتك خذالك وسوه حتي لو كان محل خضرا وفواكه او
دكان ويكون دكان عود كل شي فيه تسكر علي دكاكين الي في الحاره
لازم تشوف شو الي ناقص وتسويه يعني اذا عندكم 11 دوبي شوف هل 11 شو الي ناقصهم
اذا ماعندهم مكاين بخار مكاين اوتوماتيك افتح دوبي ويب فيه مكاين
دايم اي مشروع فكر انك تسوي فيه شي مب موجود في المحلات الثانيه
والله يوفق
اي استفسار انا حاضر
اخوكم
بن دولار
__________________
في الشاحناة انصح اف فولفو وفوكس فوجن ومرسيدس
وشيولات انصح اب كات
في المدخول والأرباح ارباح الشيول اكثر
لأنه الشيول يشتغل بساعة وحالياً ساعه عندنا اب 100 درهم
يعني شيول اذا اشتغل في اليوم 8 ساعات
يطلع 800 درهم يعني في شهر 24000 ألف انا حطيت الحد الأدني الشيولات تشتغل 8 ساعات
الصبح و8 ساعات المسي يعني دبل مبلغ الي حطيته فوق
وشيولات مخاطرها اقل من شاحنات شاحنه لاسمح الله تتعرض لحادث تتعرض
لمخالفه لحجز قيام دريول بعمل تخريب كسر القير او عدم محافضه
فانسح بشيول وتوكلي علي الله
مدخوله بالشهر وبشغل العدل 50000 الف كاش
—
البدايه تكون علي حسب السيوله الموجوده عندك
اذا سيوله عندك كااش ومبلغ متوفر
يعني ماتبغي اي اعتماداة من البنك
تبدي وتشتري شيول تدور علي احسن شركة نقليات
في الأمارات قبل لاتشتريه تتفاهم معاهم وتقولهم
باخذ شيول كذا كذا مواصفاته وبغي في ساعه 100 درهم او 150
وتتفق معاهم علي كل شي لأنه المعدات الثقيله ماتتسجل بسمك لازم بسم شركة
نقليات
اخوكم
بن دولار
__________________
اخوي عندي 200 الف شو اقدر اسويبهن من المشاريع .؟؟