—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
اقترح تسوين هدايا للأطفال من سن 1 شهر ال 5 سنوات وتكون هداياه مميزه بتغليفها وتيبين العاب بعد
تخص الأطفال الكترونيه هذي نصيحتي لج والله يوفقج
اخوكم
بن دولار
اوكي شو تقترح اسوي وابا تجاره اكترونيه يعني عن طريق البلاك بيري او النت
حد مسأوليه وناس مابياخذون الي من شركه اتي تنفخلهم اياها وتربطها بحبال فهذي هيه مشكله ولافكره وايد حلوه
اخوكم
بن دولار
الموضوع جدا رائع واشكرك ع المعلومات الجميلة
بن دولار الله يعطيك العافيه
انا عندي مبلغ 10 الاف ماعرف شو ااسوي فيهم انا من دبي صح المبلغ مب كبير بس حابه استثمره
كنت افكر اطلب من الصين مثل خيمه led وااجرها على الحفلات بتكون حلوه للمناسبات بس تقربا بتكلف اكثر عن المبلغ الي انا حاطتنه والاكثريه قالولي لو تخترب او يستوي شي شو بتستفيدين الان هي مصنوعه مثل النايلون النطاطيات بس خيمه بس لو مشي الموضوع بيكون دخلها حلو تقريبا في التاجير المره الوحده 2000 وماشي هالفكره في الامارات محد سواها
وايد داشه بالي الفكره شو تنصحني