—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
السلام عليكم
مشكور اخوي على طرحك مثل هذا الموضوع الطيب وانا اتمنى الكل يستفيد …
بغيت مشروع دخله ممتاز ما يزيد راس ماله عن مليون بالاضافة انه ما يشغلني وايد وااذا فيه شريك انا موافق وله نسبه بس ابغي شيء ممتاز
اتمنى انك تقدر تعطيني فكره
اخوي بخصوص العمل في صرف العملات شورايك فيه يوجد اخ في دبي قال 200000 الف تجيب من 8000الف إلى 14000 الف وصرف العملات يكون برع علما ان الشخص في دبي ولدية مكتب شحن وثقة هل تنصحني ادخل معه
انشاءلله يا اخوي افيدك بالي يرضيك
وسموحه علي التأخر في الرد
بخصوص الشوي لازم ياخوي ديكور يكون مبتكر وقوي شوي ويكون جاذبيه وبساطه
في نفس الوقت الأكل سلعه مستهلكه بشكل كبير بس المطعم يبغيله عامل جذب قوي
من الأسطف ومن المعد ومن منسق ومرتب الوجبات عامل مهم الترتيب وتنسيق
ولازم يكون لك طابع ونكها خاصه مثل نحن يوم نبغي ناكل شوارمه اوووه
مطعم فلاني صراحه شوارمه عدل ويوم نريد ناخذ مشاوي نقول المطعم الفلاني
صراحه مشاوي حلوه عنده وب هل شكل كل مطعم وله ميزه وتميز في أكله
واهتم فيها ويب لها طباخ يجيدها والله يوفق
اخوكم
بن دولار
ودي بمعلومات عن نظام اداري متكامل ونظام تسويق واسماء اجهزة كاشير متصلة بالنت مثل الموجود في باسكن روبنز وغيرها ومن وين احصل عليها وكم ارقام الشركات وايضا مطلوب مصممين راقيين متخصصين في تصميم المحلات والكوشكات واهم شئ يعرفون يسوون براندنج بنفس كفاءة باسكن وكنتاكي ووستار بوكس
وايضا مطلوب مصورين مبدعين في تصوير العصائر والفواكه
وايضا مطلوب مصممين منيوهات وبوسترات بشكل راقي جدا
ومطلوب مواقع نت بها صور واشكال ديزاينات
السلام عليكم جميعا وجزاكم الله خيرا على مجهوداتكم
اخوي ابن دولار الحقيقة لا استطيع الا ان اقول لك جزاك الله خير فقط افدت الجميع بخبرتك وعسى الله يوسع لك ويغنيك
جبيت استفسر عن اسعار بعض المكائن لان بنيتي ان افتح مكتبة شاملة ويهني الان اسعار
ماكينة طباعة كروت وبطاقات افراح
وماكينة تصوير اوراق عادية واين اجدها في الامارات مع الاسعار التقريبية وجزاكم الله خيرا