شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. يعطيكم العافية جميعا
   على فكرة دراسة الحدوى الاقتصادية ماهوب غالية انا جربت مع هالشركة واسعارهم صراحة كانت ممتازة
   Ebla Information Technology

2. اخوي بن دولار ارجو التكرم والقاء نظرة على هذا الرابط

   على فكرة انا مزاجي في بيع وشراء السيارات المستعملة

3. الله يسلمك ونشاءلله بتحصل الرد الي يعجبك
   
   دايم بداية الغيث يقولون قطره
   
   ابدي اول شي استورد سياره بسعر بسيط
   
   مثل سيارات الفورد موستنق موديلات 2004 او 2003 او 2005
   
   ولي سعرهن مايزيد من امريكا عن 15000 ألف درهم
   
   يب هل سياره وخل ربعك الي موجودين يفحصون عدل
   
   خلصنا اشحن السياره وخلص اوراق الجمارك
   
   وصلت السياره اعرضها للبيع وشوف فايدتها علي بيعتها كم استفدت وشو الشي الي بهدلك في
   
   استيرادها وين الخلل فيك ولا في ربعك
   
   فلازم بداية اي شي تجرب وتخوض دهاليزه اما انت تفكر تستورد وهذاك يفكر يستورد وكلام
   
   مايأكل عيش دايم ابدي خطوه وبسعر حتي لو خسرتها بس في الأخير
   
   علمك وايد اشياء وفهمت باجر مابتستورد سيارات اشياء ثانيه
   
   والله يوفق وانشاءلله اكون ماقصرت وياك
   
   اخوكم

   بن دولار

   يبتها الفورد موستنج و ربعه الطلب وايد عليهم تسلم شيخي وما قصرت بيض الله ويهك

4. موفج يا خوية

   والله يوفقك عالنصايح الطيبة لاخوانك وخواتك

   تستاهل كل خير

5. اخوي انا اشتريت مغسلة ولها عقود وشغالة 100 % بس بعد ما انا استلمت الادارة حاس نفسي علي ضغط وااايد من ناحية الادارة يمكن لاني اول مشروع امسكه او يمكن لصغر سني وبعدني ماعرف في هالامور … وبصراحه محتاار .. ومحتااي نصايحك لي .. ومشكوور على موضوع الحلو

   انشاءلله فالك طيب ياخوي

   من كلامك انا عرفت وين الغلط في موضوع

   انت طيب علي العمال الي عندك وتعاملهم علي اساس انهم ربعك هب عمالك

   شي حلو ياخوي بس دايم الأدراه لازم تكون سلطه وتكون ظهر وتكون مموله للمعنويات

   يعني بالمختصر لازم تعطي عمالك ثقه وتجربها هل هي في مكانها ولا لاااء

   واذا شفت المغسله بعد ماعطيتهم ثقه قال مدخولها او شهرها هذا فايدتها قلة

   علي طول حاول تبدي تدور وين الخلل في العمال

   لازم ياخوي تحط في بالك انت مابتم مقابلنهن 24 ساعه بتي لك ايام وشهور ماتمر عليهم

   فلازم ترتب امور الأداريه وهي انا الي اشوفها فيك انت لازم تكون سلطه وليس العامل

   اخوكم

   بن دولار

Comments are closed.