—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
يزااك الله خير
اخوي ما شاء الله على خبرتك الواسعه ..و لك اجر ما ينقطع ان شاء الله اذا كان لك يد في بيزات حلال نكسبها ..
اخوي فكرت افتح محل غسيل سيارات .. و ما عندي فكره و احاول اجمع معلومات و واحد خبرني ان الرخصه في حدود 25 الف
و المشروع الثاني هو طباعه على اكياس و اعلانات بس ما عندي فكره من وين اييب الاكياس و الاقلام وو الاغراض الي اطبع عليها
وينك يا بن دولار قبل كمن سنة يوم سويت البزنس وللاسف خبصت و خسرت لاختياري موقع غلط
إنشاءالله بستعين فيك في المشروع الياي
ومشكور على وجودك و موضوعك
تم رد عليك ياخوي ونشاءلله وفقت برد عليك
اخوكم
بن دولار
برد عليك قريب ياخوي انتضر ردي لأنشغالي حالياً
لاتستعيل بيك رد لي يطيب خاطرك انتضر ردي
اخوكم
بن دولار