بسم الله الرحمن الرحيم

—

شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع

ولي مب عارف كيف يبدي وشو ايجابيات الخطوه الأولي وسالبياتها

وصدقوني كل شخص وله ميزه في التجاره ودخول عالم الأموال ولكن تنقصه الدفعه

او الفكره او المعنويه

فعشان جذي حبيت اليوم اطرح هذا الموضوع ونشاءلله بنتشارك في الحلوه والمره

انا اشتغل في تجاره الأستيراد وتصدير ودخلت في مجالات كثيره بين موانئ الدوله

وخارجها وعارف انواع البضاعات المستورده والمحلية وتقليد من الأصلي

—

اليوم إلي عنده مشروع ومب عارف شو يسوي انا بساعده وباخذ بإيده

وثاني شي الي عنده راس مال ومب عارف يدخل في شوه انشاءلله بعد راح اساعده

ومابقصر ولي حاب يدخل مع شخص شريك بعد انشاءلله ماراح اقصر

واي شخص حاب ياخذ معلومه عن سلعه او عن بضاعه او شركة خارج الدوله

يبغي التعامل معها انشاءلله ماراح اقصر معاه

تقبلو تحيات اخوكم

بن دولار

493 thoughts on “شي في خاطرك عن مشاريع (بن دولار يفيدك)”

  1. مرحبا اخوي يعطيك ألف عافيه عالمجهود الي تبذله وعلى نصايحك لأخوانك

    عندي راس مال بسيط 80 ألف وميولي للسيارات دايما بس محد يحمس هههههه

    الفكرة اني آخذ سياره من امريكا تكون مصدومه عالخفيف يعني وعقب اصلحها و ابيعها

    وانا عندي ناس يقدرون اثق فيهم ايبولي السياره برخص ف متردد ومحد يحمس

    مادري ياريت لو تفيدني واكون شااكر لك اخوي

    الله يسلمك ونشاءلله بتحصل الرد الي يعجبك

    دايم بداية الغيث يقولون قطره

    ابدي اول شي استورد سياره بسعر بسيط

    مثل سيارات الفورد موستنق موديلات 2004 او 2003 او 2005

    ولي سعرهن مايزيد من امريكا عن 15000 ألف درهم

    يب هل سياره وخل ربعك الي موجودين يفحصون عدل

    خلصنا اشحن السياره وخلص اوراق الجمارك

    وصلت السياره اعرضها للبيع وشوف فايدتها علي بيعتها كم استفدت وشو الشي الي بهدلك في

    استيرادها وين الخلل فيك ولا في ربعك

    فلازم بداية اي شي تجرب وتخوض دهاليزه اما انت تفكر تستورد وهذاك يفكر يستورد وكلام

    مايأكل عيش دايم ابدي خطوه وبسعر حتي لو خسرتها بس في الأخير

    علمك وايد اشياء وفهمت باجر مابتستورد سيارات اشياء ثانيه

    والله يوفق وانشاءلله اكون ماقصرت وياك

    اخوكم

    بن دولار

  2. اخوي انا اشتريت مغسلة ولها عقود وشغالة 100 % بس بعد ما انا استلمت الادارة حاس نفسي علي ضغط وااايد من ناحية الادارة يمكن لاني اول مشروع امسكه او يمكن لصغر سني وبعدني ماعرف في هالامور … وبصراحه محتاار .. ومحتااي نصايحك لي .. ومشكوور على موضوع الحلو

  3. مرحبا اخوي يعطيك ألف عافيه عالمجهود الي تبذله وعلى نصايحك لأخوانك

    عندي راس مال بسيط 80 ألف وميولي للسيارات دايما بس محد يحمس هههههه

    الفكرة اني آخذ سياره من امريكا تكون مصدومه عالخفيف يعني وعقب اصلحها و ابيعها

    وانا عندي ناس يقدرون اثق فيهم ايبولي السياره برخص ف متردد ومحد يحمس

    مادري ياريت لو تفيدني واكون شااكر لك اخوي

  4. حاليا أريد أستخدم رأس مالي 50 ألف درهم شو بتسوي من المشاريع بالإمارات الشمالية
    وإذا تقدر تنصحني بمشروع دخله مضمون

    انشاءلله فالج طيب انصحج تحاولي تنمي راس المال 50 ألأف يبغيلها شريكه معاج

    لوتدوري حد من ربيعاتج خواتج شريك وياج ويحط معاج 50 ألأف وتبدون مشروع

    في الأمارات الشماليه تشوفي شو الي ينقص المنطقه حطي في بالج هل النشاطات

    مغسلة ملابس….كافتيريا ……. محل خضرا وفواكه ……..محل بيع اكسوارات مثل شنط بوك نعول

    خياط نسائي….محل ملبوسات الجاهزه

    واذا في بالج اي مشروع او تعرفي شو الي ناقص منطقه الي تخططين لها

    خبريني شو الي ناويه تفتحينه ونشاءلله بدرس لج الموضوع

    اخوكم

    بن دولار

  5. عندي راس مال في حدود الـ 45.000 درهم.. شو تنصحني أسويبه؟

    علما اني طالب جامعي..

    انصحك تتابع اسواق الأسهم تنمي راس المال لحدود 150 ألأف وتبدي مشروعك

    اما اذا عندك مشروع في منطقه انت ادرا فيها اعرضه علي ونشاءلله اوافيك

    بالي يرضيك

    اخوكم

    بن دولار

Comments are closed.