شــــــــــــــــــــــرفة … على رفة جنــــــــــاح..؛

200 thoughts on “شــــــــــــــــــــــرفة … على رفة جنــــــــــاح..؛”

1. تعال يكفي ترى فرقاك مرهقني
   في ذمتي يومي أغبر كان ضريتك

   كل الحكاية كلامك كان يحرقني
   وأنا من خبالي أبعاتب أبكيتك

   وش ذنبي ان كان فكرك ما يوافقني
   او انك أنعم من اللي فيه ظنيتك

   ولا انت من كثر ما فرقاك يخنقني
   لو أتعدى بلادك ما تعديتك

   لا يلحقك شك في حبي وصدقني
   لو منت غالي على ما كان بكيتك

   في غيبتك كن هم الناس يعشقني
   وليتك تعرف الغلا في خافقي ليتك

   وشلون تزهد بوصلي وأنت تعشقني
   وأنا لو انسى وجودي ما تناسيتك

   يا خوي من كثر ما قربك يشوقني
   أضم طيفك غلا وأقول ضميتك

   ارحل مع فلسفة حبي ورافقني
   شف كيف حبي جنون وكيف عزيتك

   من كثر ما حبك بقلبي مطوقني
   جمعت كل الاوادم فيك واغليتك

   ومارست وياك كل شعور يطرقني
   اكره عنادك واموت بحسن تربيتك

   وأكرهك مرات لا شفتك مضايقني
   وان جيت تبعد وصار الجد حبيتك

   يعني ليا من زعلت اقول فارقني
   واودعك وان بغيت تروح ناديتك

   هذا جنوني وهذا اللي يفرقني
   وسوء التفاهم يجي من بين اهل بيتك

   بسّك دلع كافي وعود وعانقني
   شف وشكثر بين صفحاتي تهجيتك

   وإن جيت لك غصب واللهفة تسابقني
   لا تخذل الشوق فيني يوم انا جيتك

   اسمع عسى الله يوفقك ويوفقني
   الله لو ما أحبك ما تمنيتك

   وإن كنت مني بكيت بيوم صدقني
   لو منت غالي على ما كان بكيتك

   للشاعر : بدر البتال

2. يا الي تقول أني أحبك نص نص
   تعال هنيه وبعدها تقدر تحكم
   اتفضل قلبي
   أدخله واتجول داخله
   ويوم بتظهر اصدر حكم

   على باب قلبي نقشت أسمك
   في يمنه بتلقى شوقي وعشقي لك
   ويساري سكن حبك وهيامي
   وسط القلب تركز عرشك
   وحوله مشاعري الصادقة لك
   هذا قلبي إلي هو في الأساس قلبك

   لو مشيت صوب عيني
   وتاملتها شوي
   مب دقايق مجرد ثواني
   بتشوف صورتك
   ناظر يمين ويسار
   سواء فتحتها أو غلقتها
   تلاقي نفسك
   دمعتي صارت تنزل في حضورك وغيابك
   وتدمع بحضرت جنابك
   تزنف دم لحظة غيابك

   صار شوقي في ازدياد
   وغيابك يقتل الفؤاد
   بزعلك ازعل من حالي
   لو فكرت أنك تقسى
   أتحمل قسوتك

   تصور بعد كل ها الكلام البسيط
   والشعور القليل من كثير
   ما زال حبي لك نص نص

   والسموحة منكم
   خربطه على قدي
   

   اختكم

3. .
   .

   لم أعلم مدى الضعف الذي قد تصل إليه روحي ..
   
   و الفراغ الذي قد يملأ حيز الأشياء من حولي ..
   
   و الضياع الذي سأشعر به في عقر داري ..
   
   و الجوع الذي ستعوي ذئابه ليلاً في أحشاء جسمي و روحي ..
   

   .
   .

   لم أعلم ماهية هذا كله .. حتى غابت عني أمي ..!

   /
   /

   يااااه يا أمي ..
   كم أنا في حاجة دائمة إليك ..

   احتياجي للماء .. للهواء .. للدفء في برد الشتاء ..
   

   بل احتياجي لك .. لا يضاهيه احتياج ..
   لا يضاهيه احتياج ..
   لا يضاهيه احتياج..

   .
   .

   اللهم اشفِ أمي و احفظها من كل سوء ..
   
   و ردها إلينا سالمة معافاة .. يا خفي اللطف الطف بها ..

   ان شالله ترجع احسن من اول

   و تملأ مكانها من جديد

   اللهم آمين

4. ياقو قلبك على الصده وياصبرك وياوسع صدري على صدك وياصبري

   وياطول عمرك بذاكرتي وياكبرك وياشيب عيني بشيب عاد ذا كبري

   والله لو ان حمل صبري فوقك ان تبرك والله لو تعتذر مانت بعلى خبري

   ان ماجبرك الغلا ماقدر على جبرك ياللي على ارض الوفا ماشبرك بشبري

   تزعل وترجع وتلقاني على خبرك وانا انكسر لك واجيك ادور لجبري

   امحق وليف ومحبه والا اقول ابرك حسبي عليك اعشقك وإنت تحفر قبري

5. ودِّي أمُـوتْ .. اليُـوم … وأعيـش باكـر..وأشوفْ مِنْهو.. بعـد مُوتـي فقدنـي

   ودِّي أمُـوتْ .. اليُـوم … وأعيـش باكـر
   وأشوفْ مِنْهـو .. بعـد مُوتـي فقدنـي ..!

   ومِنْهو حَمَلْني لِيـن .. ذِيـكْ .. ” المقابـر”
   وأشْكـرْ أنـا .. كِـل مِـنْ كَرَمْنـي ودِفنِّـي

   وبشُوفْ .. يرثيني أنـا كَـمْ [ شاعـر ] ..؟
   ومِنْهو تركْنـي .. ومـا كِتَـب شَـي عنِّـي

   شِخصٍ تعنَّـى لـي .. مـع إنـه .. مسافـر
   وشِخـصٍ قِريـبٍ .. وآنـا مَيِّـت / طعنِّـي

   وشِخصٍ يمثِّل دمعِتَـه .. مـا هـو قـادر !
   وشِخصٍ تِطيـح دموعـه كِـلْ مـا ذكرنـي

   ومِنْهو مِـنْ أهلـي ف العَـزا كـان حاضـر
   ومِنْهو دعى لي فـي ” صلاتـه ” ورحمنـي

   ومِنْهـو بنـى [ بإسمـي ] سبيـل ومنابـر
   ومِنْهـو يفـز قلبـه .. إلا مِــنْ لمحـنـي

   ومِنْهو عشانـي : طُـول الأيـام ساهـر ..!
   ومِنْهـو ثـلاث أيَّـام .. راح وتركنـي ..؟

   ومِنْهـو يرتِّـب .. غرفتـي .. / والدفاتـر
   وإن شاف ( صوره ) لـي صاح وحضنِّـي

   يالله عسـى .. مـا تغفـى كـل المشاعـر
   ويالله عسـى .. مـا ينصِـدِم يُـوم ظـنِّـي

   خايـف يـروح العُمْـر .. وأكُـونْ خاسـر
   وإن طـار طيـري .. مـا يفيـد / التمنِّـي

   وخايـف يجينـي وقـت : أكْسِـر خواطـر
   إن دارت الدنـيـا .. وزمـانـي كسـرنـي

   ومـدام هـذي الدنيـا .. صـارت مظاهـر
   وكِـلْ مَـنْ علـى كيفـه .. وجَـوَّه يغنـي

   الضيـق وافـي .. والحـزن حيـل وافــر
   والجـرح أكثـر شـي .. شفتـه يحبـنـي

   عايـش وميِّـت بيـن .. ماضـي وحاضـر
   والصبـر [ مفتـاح الفـرج ] ضـاع منِّـي

   قل وش تبـي وتتركنـي يـا حزنـي آمـر
   مسكيـن فرحـي / تصـدِّق إنَّ وحشنـي !!

   ( شاعـرة ) ولكنِّـي .. مانـي ب شـاعـرة
   ودِّي أمـوت اليـوم …. وأرتـاح منِّـي !!

   مما راق لي ونقلته لكم عسى ان يرقى لكم

Comments are closed.