لـــ النون المؤنثة…
لـــ تاء التأنيث في آخر الكلمة..
وأول التوق ..
لـــ نون التفخيم.. والعظمة..
لـــ ضمير الغائب..
والحاضر
والمخاطب..
لــــ كل الكلمات المزروعة خلف الكلمات…
لـــ كل الاحرف التي تقف في ظل الكلام خوفا من العتب..
ومن التعب …
لـــ المتواري في جملنا..
والمتوازي مع احزاننا..
لكم..
لي..
له..
لها..
لهم…
لهن…
لهما..
لنا…
هذه الصفحات…
فـــ بــــــــــــــــوحوا ….؛
رااحيل
الحزن والألم وكل مشاعر الكدر
هي طبق في وليمة الحياة
ما اجملنا عندما نشهر سيف التحدي
عندما نصارع الالم
ورغم قيود الحزن .. وانهار الدموع
نشق للابتسامة طريق
تبدأ من القلب لتنتهي على محيانا
جميل أن يتحلّى المرء بالإصرار الكبير القويّ
على التّمسّك بالحياة .. والتّشبّث بالأمل
لنحوّل المآسي إلى دافع يقوّينا على المضيّ قدماً
على طريق الحياه
ويجعل القهر عامل تقدّم لا تقهقر لنا
لا تسمحي لأحلامك بالموت
و تمسّكي بالأمل بأنّ الغد سيكون أفضل من الحاضر
وسيأتي حتماًَ بالجميل المشرق من الأحلام والآمال
هذه الإرادة هي ما يعطي الإنسان القدرة
على الاستمرار وتحدّي الألم
فقوّة الإرادة نعمة كبرى وقوّة
لا يمكن لمن يملكها
أن يغرقه اليأس في بحوره المظلمه
دمتِ بكلّ الخير والسّعادة والأمل
تحيّتي وتقديري لكِ
قتلني الوقت بضروفه ذبحني وجفف نهاري . .
أخبي علتي وأسكت وأنا في داخلي مذبوح . .
أجامل وأرسم الضحكه وأنا قلبي على ناري . .
أحاول والله يعلم بي أداري دمعتي لا أبوح .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح . .
صداها لو دفنته يوم يبين سنين بأنظاري .
صرخت بحسرتي يكفي صرخت بصوتي المبحوح . .
ألا ياوقت وش ذنبي عشان الفيك باعذاري . .
تبعثر حلمي قدامي وغديت بدنيتي منزوح . .
وقفت ولا قدرت أجمع مغير مشتته أفكاري .
أمني النفس وأخدعها وأقول إن كربتي بتروح . .
وهي والله مولوده قدر فأرحام أقداري .
قتيل والبقا براسي في دنيا مابها مصلوح . .
قتيل والقهر قاتل من اللي ياخذ بثاري . .
أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن الدنيا وأروح لاخر دياري . .
أنا بحمل صديد الجرح في باقي وقتي المسموح . .
وإذا وافتني القدره ترى هالبيت تذكاري . .
رثاني دمعي الطاهر في صمته مارضي بالنوح . .
رثتني قسوة الدنيا ورثتني حتى أشعاري . .
وجزت اللي ذبح قلبي وعشته بالخفا مشروح . .
لجل ماضعف بعين اللي نشدني كيفها أخباري
انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتمسـك زيـن اعصـابـك
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احـبـابـي واحـبـابـي هـــم احـبـابـك
وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك
رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب
رظـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك
ولا تفكر في يـوم انسـاك او يشغلنـي عنـك غيـاب
انــا اتنفـسـك اهـــواك وفـيــك امـــوت واحـيـابـك
انـا مـا شـوف احـد غيـرك جمـيـل بفتنـتـه جــذاب
انـا إعجابـي فيـك اعمـى يفـوق اعجـاب اعجـابـك
انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك
((حــــــــــامد زيــــــــــــــــــــد))
ماتــقبـلت الفراق ما ليدي فيه حــيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
ما هقـيت الليله اللي جابت الفرقا طــويله
لين صارت ليلة امس بعيني اطول من شهرها
والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها
والــحبيب اللي صدوده مثل مداته جزيــله
صد عني واعرفه لو صد عن حاجه هجرها
كن روحي يوم حست في جفاه وصعب نيــله
بشرتني بالضياع وشدة العزم لسفرها
مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها
عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها
لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها
من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟
اشــتكيته لـلرفوف وللبراويز الــهزيله
وانذعرت من النياح اللي سمعته في صورها
رحت اسولف للجبال الصم عن قصة رحيله
ما تركت متونها الا ينحت الدمع بصخرها
واحدٍ حقق جماله كذب اساطير الف لــيله
يسكن السبع البحور ويحبس الحور بدررها
الدروب بــكبرياها ترتجف تحته ذليــله
والورود اللي تقبّل خطوته تنبت بأثرها
والغصــون اليا بغاها تنثني لــه.تنثني له
والفياض ان حب ينثر عطرها يلمس زهرها
لو يصـوّت للغدير المنجرف جفــف سبيله
وان تبسّم للجبال الصامته نطّق حجرها
كل حاجه تستــوي له. لي بغاها تستوي له
بالنظر واستغفر الله لو بقول : انه سحرها
ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها !
كـن ربي سخر له المعجزات المستحيــله
واصبح اسطوره وكل الالسنه تنقل خبرها
هان محجر دمع عيني لين جفّف سلسبيــله
والتفت لأخير دمعه قبّلت يده ونثرها
دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها
له علي انه ليا من طاح من عيني تشـــيله
ولي عليه انه يرجّع لابتساماتي ثغرها
لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها
واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها
له بعيني مثل ما للطهر بــالنفس الاصيله
تقطع يدين الردا لو مس شعره من شعرها
مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها
والعطايا من يدين الخلــق للطالب قــليله
والوهايب من يد الله للعباد اجل وأرها
وان نسيت اني زرعت العشق وحظوظي بخيله
ما نسيت ان العطايا تستحق اللي شكرها
صعب تلقى شخص وافي يجزي الطيب بمثيله
والعرب قد قالت ان : الناس ما خلت قشرها
.
.
اعجبتني وحبيت انقلها لكم اتمنى تعجبكم