زووار القريه العالميه …تعالوا ابغيكم اشويه ..شو اتفضلون؟؟؟

23 thoughts on “زووار القريه العالميه …تعالوا ابغيكم اشويه ..شو اتفضلون؟؟؟”

1. بالتوفيق يا ام خليفه

   و عجبني الموضوع هو نوع من انواع الاستبيان للتطوير

   بالتوفيج ان شاء الله

2. اختي تبين الصراحه او بنت عمها

   الوقت اكيد في الويك اند

   اما على طاري المحل…………. فبصراحه شديده للي واقفه في المحل ما تصلح لانها مب بائعة هاي شغالة بيت ( على ما اظن )
   فحرام انا ماخذ محل وما اكلف خاطري واييب حد يوقف

   اما على طاري الجنسية فعيب الشيلة والعباه مب حقنا بس( انا اعرف ان قصدج ان الموجودات بصراحه وخصوصا للي ماخذات محل اول القريه العالمية مغطيات عليكم صح )

   المكشلة نفس ما تفضل الاخوان يجب على الواقف واحد او وحده يكون عنده اسلوب في جذب الزبائن

   انا من النوع للي اشوف وحده واقفه ابا اروح بس انا اعرف لو رحت بشتري حتى ولو كانت البضاعه مب حلوه تعرفين ليش ؟؟؟ لان الواحد اكيد بستحي منها

   ونفس ما قالت ريد روز حلو المكاسر مع الهندي خخخخ اما البنت فالواحد يستحي

3. هلا بأم خليفه

   قبل ما ارد

   ابا اقول لج

   ربي يوفقج الغاليه و نسمع اسم ريانة العود يرن في كل مكان

   والحين بجاوب خخخ

   فديتج عن الوقت ما في وقت معين بالنسبه لنا متى ما الكل في البيت و ربعنا جاهزين نطلع…

   نفضل يوم العائلات ..ما يكون وايد ما يكون فيه وايد عزابية من جميع الجنسيات يغلسون علينا خاصة البتنج

   ونحب نشتري كل شي حلو مب مهم ماركه ولا لا اهم شي عيبنا و الخريدات موجوده

   بالنسبة للبايع غناتي مب مهم شو الجنسية ..المهم طريقة تعامله و يكون فاهم للبضاعه اللي يبيعها و ما يكون حنان زنان..و متهجم الويه يالس متملل…لازم يجابل الزباين بابتسامه اخويه و حماس تجاري و فاهم الشغله

   و ان شاء الله ان سرنا القريه بنزوركم في المحلكم خخخ

4. هــلا والله أخـــتي

   ” أم خليفـــه “

   صبحــج الله بالخيـــر ..

   ================

   * أحــب أسيــر القــريه عــقب المغــرب ،، وخــلال الأيــام العاديــه ..

   * بصــراحه القــرية الإمــاراتيه مــازروهــا دايمــا !! وبالنسبــه للمحــلات ،، أي محــل والســلام !! مــب شــرط معــروف !! أشــوف البضــاعه ،، وإذا عيبنـــي آخــذ !!

   * ما يهــم هنــدي وله حــرمة وافــده !! بالعــكس أحيــانا أفضــل الهنــدي ،، حــلو المكــاسر معــاه !! هههه

   * ونصيحتــي لج أخــــتي ،، خــلج على الأنــدونيسيـه !! دام إنــها مريحتنــج في الشغـــل !! شــو المغــزى إنــه وحــده ملبستنــها شيــله وعبــاه !!

   =================

   موفقــه يــارب حبــوبه

   

5. السلام عليكم ورحمة الله وبركاته وصبحكم الله بالخير

   مرحباااااااااا وهلاااااااا أم خليفة

   بالنسبة لسيرة القرية أنا عن نفسي ما أحب الزحمة فأسيرها في من الأحد يلين الأربعاء بكم دوامي جريب من البيت

   أما لو كنت مثل الشباب لي يدقون خطوط وما عندهم وقت غير الويكند فلابد أروح بس مجبر أخاك لا بطل

   والأغلبية دواماتهم بعيد عن بيوتهم فما في فرصة إلا الويكند وأكثر الأيام إقبال يوم الجمعة

   الوقت المفضل قبل المغرب يعني من الساعة 5 يلين 11 أنسب وقت في رأيي

   انا دايم ما أبدا بالقرية الإماراتية بس يطفرونك من أسعارهم تقول ياي تشتري ضحية العيد

   بالنسبة للعارض وجنسيته على حسب انا عن نفسي أي جنسية وأي جنس لأني أدخل لحاية أخذها وأظهر

   بس في ناس كشيخة يحبون عرض عمارهم فلابد يبون بنية حلوة

   وانا ما أأيد هذا النوع من العرض لأنه في شبهه وإذا كان لك رزق يالبايع الله بيعطيك إياه لو كان مخلي رجل آلي يبيعلك.

   فلا بد من إختيار العارض المناسب لي عنده خبره في جلب الزباين وأغلبيتهم الهنود ما شاء الله عليهم أنا أعرف واحد في محل ياس للعطور أسير جدا للسلام وأظهر لي ب2000 درهم ما أدري أحس أنه يسحرني

   بعدين كثري من الهدايا المجانية يعني ياخذ سلعة وياها هدية

   هذا ما عندي يأم خليفة والله يوفق الجميع يارب العالمين

Comments are closed.