زووار القريه العالميه …تعالوا ابغيكم اشويه ..شو اتفضلون؟؟؟
حبيت اخذ رايكم
متى اتحبون اتسيرون القريه العالميه
على الساعه 4 (يعني اول ما تفتح القريه)
عقب المغرب
عقب الساعه 10
وشو الايام الي اتفضلونها
الويكند
الايام العاديه
يوم العائلات
هل القريه الاماراتيه بشكل عام اتحبون اتزورونها او انكم اتفضلون القرى الثانيه لان اغلب المحلات الي فيهن يايين بس حق المهرجان يعني مالهم محلات في الدوله،،مثل الكويتيه والتايلنديه واليمنيه وغيرها من القرى
هل اتفضلون تشترون من المحلات المعروفه او
من المحلات الي فقط تفتح في المعارض ومالهم محل ثابت؟؟
اتحبون تشترون من البايع الهندي او وحده وافده لابسه لبسها العادي
او البنات الي لابسات شيل وعبي كانهن مواطنات؟؟(سوال مهم )
لاني موقفه وحده في المحل اندونيسيه
وايدات شارن عليه
اني اوقف وحده من البنات الي يلبسن شيله وعباه يجذبن اكثر الزباين؟؟؟!!!
وانا الصراحه استخرت وما ارتحت
لاني احس انها اتمثلنا فما يندرى شو اتسوي
اترياكم خواتي واخواني
ردودكم بتفيدنا وايد
المشكله ان بعض الشباب ضعيفي النفوووس يشترون من هالنوعيه من البنات بس حق المغازل و عشان يعطيها رقمه …ترانا هناك و نشووووف كوووول حاقه
اما المحل الجدامي يمكن مغطي بالبنات و هاي ميزته الوحيده
الوالده طايفه و عطروها و في الرده اختنقنا في السياره و اقوول حق ماماتي شو رايج تردين بتكسي لووووول
و تمينا مبطلين الدرايش و الحاله تعيسه …و اليوم اللي عقبه و نحن طايفين يايه بتعطر ربيعتي جان اقول حق ربيعتي شوفي جان عطرتج ردي بتكسي انا ما بردج << عقاب لووول
في النهايه الناس اذواق سبحان الله يمكن اللي ما يعيبنا يعيب غيرنا و لولا اختلاف الاذواق لبارت السلع
طبعا انا ماخذه راحتي في التقطيع كزبونه و ليس كتاجره لان اصلا ما ابيع عطور
لكن بالنسبه للمحل..الخساس انهم حادين للناس و يوم يوصلونا جد عطروهم بعطرهم العتر اللي بدون تعليق عليه ..و صدق يوصلون الناس الريحه خلاص متشبعه في خشومهم و يروحون كل شي خايس..والله مره حرمه ويهها متكلفس من الريحه القبليه و تخادت و سارت
عنبووو فليت مب عطر..على الاقل المفروض يرشونه على كلينكس مب على عبي الحريم
اولا اشكرك على هالمداخله
وبالنسبه للاندونيسيه هي مش شغالة بيت هي يايبينها لانها عندها خبره في البيع والشراء تشتغل في محل من 3 سنوات ويبناها شهرين عندنا المحل
لا يا خويه مش مغطيات علينا ولاشي
بس هاي سمعه واهم شي عندنا السمعه
يعني اتخيل اني ايييب وحده مرصصه على عمرها
والادهى ان كل واحد بيي بتسولف وياه بالشي والي ماشي..وخلاف يتحسبونا نحن ؟؟!!
مريت على محل انا وولد اختي
ويوم طلعنا من عندها قالت لولد اختي انا زعلانه منك ما اخذت شي !!! عنبوه استحي
قالت يا تشتري من عندي ولا تاخذ الولاعه هديه؟؟!! اتخيل
يعني جيه حلو وزين ؟؟
متابعه الردود
مافي وقت محدد ولا يوم محدد
متى ما يدق في راسي …
وخاصه ان القريه جرييبه من البيت … اللهم شارع الإمارات والخط سييييييده
يعني شرات ما قلت لج ماشي وقت او يوم محدد … يمكن يوم امل
بس اذا سرت ان شاءالله .. بضطر اسير الويك اند المسا عقب العشا.. لأني مزحوم في ايام الاسبوع
أفضل اسير القرية الإماراتية والقرى الثانية … عشان اكتشف شو اليديد وشو البضائع الي ما عندنا منه في البلاد
أفضل اشتري من المحلات الي مب معروووووفه
ام المحلات المعروفه نقدر نحصلها برع القريه بعد
اما بخصوص محلج انتي .. صحيح الكلام هذا ان نقدر نشتري بضاعتج عن طريق الانترنت
بس غير الواحد يوم يسير هناك .. ويشوف البضاعه .. ويروح الريحه الزينه والي اتعيبه وياخذ منهااا
ويتنقى ع ذوووووووووووووووووقه
بخصوص البائع … يفضل واحد ولا وحده يتكلمون اللغة العربية … ولبق في الكلام .. ويعرف كيف يتعامل مع الناس
وعلى قولتج اتوقفين وحده لابسه شيله وعبى جنها مواطنه (فكره حلوه)
وأنصحج بنصيحة واتمنى انج تاخذين عليهااااااا
تكتبين كلالالالالالالام حلو وجميل وتعرضين فيها بعض الصور واتنزلينه في موضوع .. بالإضافة إلى موقع محلج في القرية العالميه …
عشان نقدر نقتبس الكلام والصور وانطرشه ايميلالالالالالالالالالالالات …
بالتوفيج اختي … واذا عندج اي أسئله ثانيه واتحبين انه انساعدج فيها .. فالج طيب ..
وان شاءالله بسوي لج دعايه بين الاهل والربع
بالتوفيق يا ام خليفه …