اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
الجميل في الردود أنه بعض الأخوات مع الزواج الثاني، هذا يدل على نقلة نوعية في الفكر الحريمي
و بالنسبة للموضوع، فالواحد تعلم في هالزمن أنه عمره ما يحكم إلا يوم يسمع الطرفين.
على كل، أنا مع الزواج الثاني والثالث شرط تكون بنت البلاد من الأولى للرابعة، وتكون الدولة معاونة الريال بالسكن و الراتب.
ومنــهـ توفيــر بالمـــرهـ
ههههههه بعده الموضوع والمعركة دايرة …
انا عندي نصيحة عشان ما تزعلون لا الرياييل ولا الحريم
اللي يبا يتزوج وياخذ 2 ياخذهن مرة وحدة في نفس اليوم
واعتقد محد بيزعل من الثاني
اوكي بس مب تطلب الطلاق لأنه تزوج ثانية !!!!!
المهم أرجع وأقول يابنات يابش مهندسات ،، إسمعوا الكلام وخلكم من الإعلام والكلام الفاضي في هذا الموضوع
إزرعوا في داخلكم شي إسمه التعدد ،، لا تخليه كابوس تخافي منه
مثل ما تريدي تكوني زوجة إعرفي ان بنات الناس يبون يكونون زوجات
اذا ريلج مب مقصر معاج ووعدج انه ماراح يقصر معاج قولي له الله معاك تزوج بس لاتظلم وحدة على وحدة
واذا بيتزوج بنت بلادج بالعكس شجعيه لأنه يحل مشكلة اجتماعية في دولتج ، ويسعد انسانة ممكن تكون قريبتج أو من معارفج
آخر شي أقوله لكل متزوجة ،، خذي كل شي من منظور إيجابي ،، انا بعطيكم فوائد زواج زوجك من غيرج :
أولا يعطيج بريك من ويهه لمن يكون عندها
ثانيا يريحك من الاهتمام به لمن يكون عندها
ثالثا لمن يكون عندها تقدري تتواصلي مع ربيعاتج وأهلج
رابعا لمن يرجع لج يرجع بشوق أكبر
شو تبون أحسن من هالكلااام
^ــــــــــــــــــــــــ^
__________________