ريلي أتزوج علية :(

244 thoughts on “ريلي أتزوج علية :(”

1. شـكــ وبارك الله فيك ـــرا لك .

2. الشرع محلل 4 مب وحده .. حلال عليه ..

   لكن ..!!

   الشرع ما حلل أربع و خلاص لازم يتزوجون 4 ..

   الشرع حللهم لأسباب معينه ..

   ما اتيب عيال ..؟ اوكي حلالك تزوج و بنربي عيالك بعد ..

   ما اتيب ولد ..؟ سير تزوج بالعكس حقك يكون لك ولد يحمل اسمك ..

   مب مريحتنك ..؟ بعد حلالك تزوج من حقك تعيش حياه مريحه ويا انسانه مريحه ..

   ما تفاهمتو ووووو و الخ .. بالعكس من حقك تتزوج ..

   لكن ان واحد يبغي يغير و يحب التغيير و من هالكلام .. لا الشرع ما قال جي ..

   الشرع كل شي حدده له سبب و له حكمه ..

   و نفس الشي للحرمه .. الريال مب مريحنج ولا ماتيبون عيال ولا ولا …. الخ .. اطلبي الطلاق و من حقج و القانون و الشرع واقف وياج مب ضدج ..

   لاحد ياخذ الشرع و القانون مني و الطريج و يقول حلال و بنسوي .. مثل ما الحرام له حكمه و سبب .. الحلال له حكمه و سبب ..

   كل شي له سبب و حكمه و الصح صح و الغلط غلط .. و لاحد يجمع .. الرياييل مب كلهم مافيهم خير و نفس الشي للحريم ..

   الشين موجود و الزين موجود ..

   هذا رايي .. ^^

   تقبلوا مروري و رددي ..

   اختكم .. قلب انسان ..

3. .

   ياأخي الكريم إذن على أي مبدأ نمشي ؟؟!!
   ومن أصدق من الله قيلا أليس هو سبحانه الحكيم الذي خلقنا وصنعنا ويعلم احتياجاتنا ؟

   لماذا نتوقع المشاكل من الزواج الثاني ولا نتوقعها من الأول ؟؟
   فقط لأن الزوجة الأولى تغااااار !!

   4 للرجل أليس في ذلك حكمة
   لماذا نعتقد أن قلب الرجل مثل قلب المرأة تماما

   الواقع يقول ويعرفه النساء قبل الرجال أن المرأة تحب وتعشق رجلا واحد فقط ولا يمكنها أن تغير من
   طبيعتها التي خلقها الله عليها ..

   ولكن قلب الرجل يختلف لأنه يمكن استيعاب أكثر من حب لذلك أباح له الله التعدد
   لأنه يمكنه أن يحب زوجاته الأربع

   ولكن المشكلة أن المرأة تضن أن الرجل يفكر مثلها بالضبط فهي لا تفهم تفكير هذا المخلوق
   وتريده لها بالكامل لأنها تحبه وهذا طبيعي ولكن يجب أن تنتبه إلى أنه يمكن أن يستوعبها
   هي وغيرها لأن تكوينه يختلف عن تكوينها

   لذلك كان للرجل القوامة والقيادة وتكوين الأسرة من زوجة أو أكثر

   جني رحت وطي

   __________________

4. اولا لأنج سمعتي السالفه من طرف واحد وقلتي الرياييل ما منهم امان

   عمرها الحرمه ما بتعترف بأنها غلطانه !!! كل مشكله تمر علي اسمع نفس الكلام ( انـــــــــــا عمري ما قصرت عليه بشي .. ليش خاني ؟؟؟؟ ) ولا مره فحياتي سمعت حرمه قالت ( استاهل لاني مقصره وياه <<< ومستحيل تقول *__* )
   انا ما بوقف ويا الريال ولا بوقف ويا الحرمه

   بعدين لازم نعرف انه البيوت اسرااار .. نحن مب عايشين وياهم عشان نحكم عليهم !!

   تعرفين مره صارلي موقف

   ريال خان حرمته
   الحرمه شلت الدنيا وكانت بتوصل للطلاق .. وقالت حق كل الناس انا ما قصرت وياه بشي ليش خاني وانا وانا وانا ( عاد الحرمه خلااااااص !! الا يطلقني عفته <<< صح انا فالظاهر اشوف انه الحرمه مب مقصره بشي

   بس كنت غلطانه لاني سمعت من الحرمه بس واكتشفت انه الحرمه عمرها ما بتقول انا مقصره

   تدرين ليــــــــــــش ؟؟

   لاني سمعت من الريال بعد وكانت له اسبابه

   وبالعاده نحن نسمع بس للحرمه والريال وحليله مظلوم

   بعدين اذا حرمته مقصره وياه انا اشوف من حقه انه يعرس لان الزواج من البدايه مسؤوليه

   يا تكون الحرمه قدها ولا احسلها تيلس عند اهلها

   الزوج نادرا ما يتزوج بثانية بدون اسباب حتى لو كان من أجل ……..

   المفروض على كل زوجة انها تراجع حساباتها مع نفسها اتشوف اذا هي مقصرة في اي جانب من جوانب حياتها الزوجية لازم تكون أكثر وعي و تفهم لشخصية زوجها ادور عن اللي يحبه و يجذبه أكثر اليها وتطور و تنمي في نفسها وبعد تبتعد عن اللي يضايقه و ينغص عليه مزاجه و راحته لأن فيه سعادتها هي أيضا و راحة بالها و الأهم فيه ارضاء لخالقها و الأجر العظيم

   __________________

5. الشرع حلل 4 ومحد قال لأ بس ما اعتقد أن هذا هو المبدأ الي لازم نمشي عليه

   من وجهة نظري ولا افرضها على حد بأن لو المرأه الأولى لو كانت مريحه زوجها

   ومب مقصره في شي ومتفاهمين ويحبون بعض يعتبر الزواج الثاني ( بطره )

   ويمكن يكون خيانه خاصه لو كان من ورا الزوجه .

   لأن لو كان عادي كل حد خذله 4 من باب أنه بس يساير الشرع كنا شفنا مجتمعات

   متفككه ومستحيل يحصل استقرار لأن احيانا الواحد يحس انه مقصر ويا عياله لو تعدوا ال 4

   الزواج بحد ذاته وجد لتحقيق الاستقرار الاجتماعي بالدرجه الأولى ولتنظيم المجتمع الكبير

   الي ينطلق من المجتمع الصغير الي هو الأسره .

   غالبا تنطرح هذي الامور من منظور فردي من شخص تضرر من هذا الشيئ ودايما يكون الحوار

   قاسي بهالخصوص . اما لو تكلمنا بمنطق وموضوعيه وشموليه أكثر بنشوف ان الاستقرار الصحيح

   هو مع زوجه واحده لأن العدل بالامور العاطفيه شبه مستحيل .

Comments are closed.