السلام عليكم اخواني…عندي نيسان بترول موديل 96 واحس حرارته مب طبيعيه تحت النص بشويه بالمكيف ولا بدونه فسمعت عن مكينه تنظيف برشر او من هالقبيل وما عندي خبره وما اعرف شو اسوي ووين هالمكاين عالعموم انا من دبي فأذا حد يعرف مكان قريب حتى لو في الشارجه مب مشكله….. المهم اريد اعرف شو الحل وشو اسوي ووين اسير وشو اقوللهم في الكراج ..ارجوكم عطوني خبراتكم والسموحه…..
اذا تبا رديتر نيسان مال الوكاله موجوود عندي مستعمل بسيط تقدر اتقوول يديد اذا حاب كلمني 0504201001 بومحمد
والنعم فيك بن عمي وما قصرت
اذا راديتر الوكاله وانته ماغيرته تراه نحاس مب المنيوم بعدين هو بروحه بيشوف الرديتر با الاول قبل ما يتفق وياك
بعدين مايحتاي تروح كراجات
روح عند اي محل كهربائي ولا اي محل راديترات وقوله على طول على جم تنظف الرديتر
با النسبه للمكان انا من بوظبي ما عندي فكره عن المحلات في دبي والشارجه
العفو ….
اشكرك بن عمي ما تقصر على هالمعلومات بس بينفع اللحام في الراديتر لانه اعتقد انه المونيوم…. اتصدق ان اصحاب الكراجات يقولولي بالبرشر احسن بس انا ما اقتنعت …. بن عمي وين احسن مكان يسيخون الراديتر في دبي ولا في الشارجه واشكرك يالحبيب….
اخوي في نوعين من التنظيف التنظيف با البرشر يعني ما يبطلون الرديتر بس يحطون توصيلات مع الرديتر ويركبونها في مكينه تضخ الماي واطلع الوصاخه من الصوب الثاني وبعدين يبدلون الماي ويكررون نفس العمليه
وطبعا ها الطريقه ما انصحك فيها لانها ماتخوز الاوصاخ 100%
وها الطريقه تكلفك من 60 او 90 درهم با الكثير لا يقصون عليك لان مافي اسهل من تنظيف راديتر النيسان
الطريقه الثانيه للتظيف والاحسن حسب تجربتي الشخصيه
هي التنظيف با السيخ
يعني يفجون الرديتر من السياره ويفجون كاور الراديتر نفسه من طرف واحد اليمين ولا اليسار ويدخلون فيه سيخ في كل فتحه وتتكرر العمليه في كل الفتحات طبعا مع الماي
وبعدين يلحمونه مره ثانيه ويركبونه في السياره وها الطريقه بتكلفك 100 درهم با الكثير
هاذا انته وشطارتك في القردنه
وحطله ماي احمر ولا اخضر
لان الماي العادي هو اللي يسبب الاوصاخ
وبتلاحض فرق في الحراره بتوصل الربع وفي الخط تحت الربع بعد
واذا من النوع اللي يوقف في الموتر وايد وتشغل المكيف ركب مراوح مكسيما بتلاحظ فرق بسيط في العزم للاحسن طبعا
وبتروح الحراره موليه