السلام عليكم اخواني…عندي نيسان بترول موديل 96 واحس حرارته مب طبيعيه تحت النص بشويه بالمكيف ولا بدونه فسمعت عن مكينه تنظيف برشر او من هالقبيل وما عندي خبره وما اعرف شو اسوي ووين هالمكاين عالعموم انا من دبي فأذا حد يعرف مكان قريب حتى لو في الشارجه مب مشكله….. المهم اريد اعرف شو الحل وشو اسوي ووين اسير وشو اقوللهم في الكراج ..ارجوكم عطوني خبراتكم والسموحه…..
السلام عليكم
اهم شي الغالي لا تركب راديتر تفصيل …. لأنه ما منه فايده … ربيعي ركبه على النيسان 95 و ثاني يوم الحراره مرتعه عنده .. راح ركب اصلي و فك راسه
شوف وكاله … و لا مال الريال المستعمل لو نظيف …. ترا تدري انته الحراره ما فيها لعب …. و الجو هني بعد يزيد الطين بله ..
و بالتوفيق الغالي
اخوي
ركبت رديتر ستيشن 97
وركب مراوح مكسيما
الرديتر يديد التجاري حول 500
المراوح على 200
يعني شغل التركيب والماي وكل شي
850
انا جي مسوي بس بسعر اقل ^_^
لكن الحين الحراره تحت الربع
اخوي تبي نصيحتي ركب له راديتر المنيوم (راديتر استيشن ) وما بتشتكي من الكراره انا عندي نيسان 91 واموره طيبه في الصيف
موفق بإذن الله … لك مني أجمل تحية .
اذا تبا ترتاح مره وحده
ان كان عندك رديتر مال وكاله اوكي اذا نحاس او غيره حاول ترجع مال وكاله الالمنيوم ولو بتركب مال استيشن 97 وااايد ممتاز هذا من تجربتي وفرقت الحراره عندي
ثاني شي ان فكرت بلمره تنزل المروحه وتركب مال مكسيما اليديده بعد ممتازه اول شي بتحصل بروده + بتروح صوت الحنه اوزعاج المراوح
ثالث شي اذا الحراره على طول ترتفع وعلى الخط توصل فوق النص يمكن من القازقيت انا سويت كل شي ولا فاد واخر شي طلع من القازقيت بدلت قازقيت وتوكلت على الله وشوفلك كراج ينزل الهد ويسوي حفه بسيطه للهد ربع ملي تقريبا وبوردنق للفتحات الماي يوسعها ويرجعه لك وبدل قازقيت يديد مايتاخر بسرعه بتخلص لو بتقعد على راسهم ونزل البويه بعد ماعليك من الي يقولك لها ضرر انا قدلي كم سنه وربعي مثل شي منزلين البويه ودعاس وضرب عراقيب مافيه ضرر بس يمكن تضرر للموديلات اليديده والانجكتر اما الكربيتر والموديل القديم ماشوف له ضرر
وبيطلع الموتر زي الفل *_^