السلام عليكم ورحمة الله وبركاته
خواني الكرام في بالي مشروع بس ناقصني راس المال عشان جيه قلت بسوي جمعية بس جمعية كبيرة شوي بمبلغ 600 الف تقريبا
بس شو تقترحون تكون الضمانات لانه المبلغ كبير ولازم تكون الضمانات قويه وتضمن حق جميع الاطراف؟؟؟؟
وبعد هل تعتقدون بحصل حد يشارك والا الناس بتتخوف لانه المبلغ كبير؟؟؟؟
اتريا ردودكم خواني لاني مابا اخذ قرض وحتى لو خذت ما بيكون المبلغ اكثر عن 250 الف وفي نفس الوقت الجمعية احسن لانه ما بيكون فيها فوايد
وفرصة للي عنده مشروع>>> زي حلاتي .. او للي يبا ياخذ سيارة والا يبني بيته
افيدوني يزاكم الله خير مابا اسوي شي واتوهق عقب
مثل مانصحوا الاخوان عليج بمشاريع دعم الشباب
بس مشكلتها تاخذ وقت من الاجراءات الروتينيه
او في حل ثاني تسوون جمعيه عائليه , او تتفقين إنتي وخواتج وربيعاتج المقربات وحده تحطلها 100 ألف وتتفقون على النسبه , وطبعا كل مايقل عدد الشركاء كل ماتكون إحتماليه إستمرارهم في العمل أكثر
وبالتوفيج إن شاء الله
عليج بالمؤسسات الحكوميه لدعم مشاريع الشباب
في بوظبي ولا في دبي…و نصييييييحه لا تدخلين حد شراااكه..و الله يوفقج
مشكورات خواتيه ع المرور وابداء الراي
والله يوفقنا يميع
ليش ماتعرضين مشروعج على مشاريع الشباب في دبي او بوظبي اكيد بيساعدونج لو مشروعج اوكيه
طبعآ في ظل الازمة محد بيدخل جمعية بأكثر من نص مليون
وعن سالفة الضمانات , فترى البوم و احمد عبدالقادر و الشندقاوي عطوا الناس ضمانات من شيكات و عقود مصدقة , بس شو فادتهم الحين؟
الموضوع جدآ صعب اختي , الا اذا حد من التجار بيشاركج او عن طريق مؤسسات حكومية
الله يوفقج