السلام عليكم ورحمة الله وبركاته
خواني الكرام في بالي مشروع بس ناقصني راس المال عشان جيه قلت بسوي جمعية بس جمعية كبيرة شوي بمبلغ 600 الف تقريبا
بس شو تقترحون تكون الضمانات لانه المبلغ كبير ولازم تكون الضمانات قويه وتضمن حق جميع الاطراف؟؟؟؟
وبعد هل تعتقدون بحصل حد يشارك والا الناس بتتخوف لانه المبلغ كبير؟؟؟؟
اتريا ردودكم خواني لاني مابا اخذ قرض وحتى لو خذت ما بيكون المبلغ اكثر عن 250 الف وفي نفس الوقت الجمعية احسن لانه ما بيكون فيها فوايد
وفرصة للي عنده مشروع>>> زي حلاتي .. او للي يبا ياخذ سيارة والا يبني بيته
افيدوني يزاكم الله خير مابا اسوي شي واتوهق عقب
الصبر زين وخاصه بالوقت الحالي…
اختي عليج بالجمعيات في جمعيات يسونها 5000 بمئه الف بس بنفس الوقت انتظري لين ماتستقر الاموووور من الازمه الماليه
أنا نصيحتي لج لا اتسوين اي مشروع..و تمي يمعي و ادخري المبلغ لنهاية 2009.
انتي ما تقرين عن المشاكل و الانكماش الاقتصادي في الدولة و في العالم؟
اصبري بتلحقين على كلللللللل شي. يمعي و حطيه عند الوالده علشان ما تصرفينها في الشنط و الاكسسوارات و سيارة.
لا اتسوين اي شي..الايجارات بتنزل..و الناس الحينه ما تشتري شرات قبل..و ماشي اجانب علشان يشترون..و الشركات يالسه اتوفر و اتقلل الموظفين..يعني كل شي واقف او شبه واقف..
و على اي غلطه الموظف يتفنش..لانهم اصلا يبون يفنشون الموظفين.
و انتي تبين اتسوين مشروع..لا تزعلين من كلامي اعتبريني شرات اخوك العود.
و في النهاية انتي حره.في شغلج.