السلام عليكم اخواني واخواتي
انا أمي من شهرين سوت عمليه خطيره ومعقده في عيونها قبل شهرين في بلد ثانيه وبعد شهر بتسافر مره ثانيه لانه عندها مراجعه، بس اليوم صار شي في وحده من عيونها شوي خوفنا..
ياريت تدلوني على دكتور عيون شااااااااااااااااااطر في أبوظبي، انه يكون فعلا جراح مختص ويفهم بالأمور او الجراحات المعقده ومشهور، موبس عياده فخمه وشهادات تارسه العياده وأسعار ترفع الضغط على الفاصي – آسفه – بس بصراحه في دكاتره جي ومايفهمون او يساعدون حتى في ابسط الأمور والعياده بس مجرد “برستيج” يساعده في غلاء الأسعار وجذب الناس وهمهم الربح المادي…
دلوني بأسرع وقت…تراها أمي الغاليه ومابي أجازف بعيونها عند دكتور يهمه الربح وبس
بارك الله فيكم والله يحفظكم من كل شر ويحفظ لكم نظركم
السموحه
إذا في دبي كنت بنصحكم بالمستشفى الإيراني
سلامتها الوالدة ولا بأس طهور ان شاء الله
والله ياختي كلامج صحيح لاني حاجز عندهم بتاريخ 9/ 9 / 2008 وهذا اقرب موعد
والله لو بخاطرج تاخذين موعدي مافي مشكله لانكم اولى انا حالتي مب مستعجله…
والسموحه
ماتشوووف شر الوالده يارب
أنا أعرف دكتور شاطر لكن في دبي …..
عيادة جوبا …. و الدكتور اسمه جوبا…..
تسلملي على مرورك الطيب اخوي
انا سألت ناس حواليه هني وكلهم مدحوا بالمغربي عند دكتور معين، بس للأسف اتصلت لهم وماشي مواعيد قبل 10/9 ، وبصراحه لازم نشوف دكتور بأسرع وقت..بكره او بعده بالكثير لأنه خايفين تصير مضاعفات ويكون تأثيرها سلبي وتتآذى عيونها
الله يسلمك اخوي وماتشوف شر ان شاء الله
في ابوظبي المركز المغربي للعيون ولكن اسعاره مبالغه شوي ولكن مركز معروووف
وماتشوووف شر الوالده يارب