السلام عليكم ورحمة الله وبركاته
الكثير منا استفاد جدا من الخدمة المميزة لارامكس للشحن من امريكا وبريطانيا. المشكلة الحين انه جمارك دبي تاخذ رسوم 5% على اي شي قيمته تتجاوز قيمته ال 270 دولار بالاضافة الى 60 درهم رسوم تخليص.
احنا الواحد منا ياخذ بعض البضايع من امريكا لانها ارخص وبعضنا مسوي بزنس صغيروني على قده ويشتري ويبيع بس بصراحة الحين بيصير ماشي فايدة. سعر الشحن + سعر رسوم الجمارك يخرب عليك فرق السعر اللي المفروض تستفيده واذا اتريد اتاجر يخرب عليه المكسب يعني ماشي فايدة. لا تنسو انه ارامكس زادت سعر الشحن مؤخرا.
يعني باختصار فكرة حلوة جدا من ارامكس راحت على الفاضي!
انا مب فاهم قضية الجمارك هذي اصلا وليش يشرجونا احنا الفقارى.
شو الحل وياهم الحين؟ مب معقوله الناس بتشتري اشياء اقل عن 270 دولار……….!
انا اقترح زيادة المبلغ الى 1000 دولار مثلا يعني شي منطقي مب 1000 درهم.
لازم انوجه لهم رسايل نقترح فيها زيادة مبلغ 270 دولار
شو رايكم يا جماعة الخير؟؟؟
اللي قالولي اياه قوم ارامكس اذا البضاعه فوق 200 دولار يجمركون
فمادري شو العمل وياهم
مخاسير
هاك اليوم اتصلت اضارب قوم ارامكس قالولي والله مب في يدينا
ممكن اتوضح اشلون اخلصها على 2% انه الحين يايتني بضاعه قيمتها 3000 دولار شو اسوي مع العلم ارمكس هي الي تخلص اجرات الكمرك ومشكور