السلام عليكم ورحمة الله وبركاته
الكثير منا استفاد جدا من الخدمة المميزة لارامكس للشحن من امريكا وبريطانيا. المشكلة الحين انه جمارك دبي تاخذ رسوم 5% على اي شي قيمته تتجاوز قيمته ال 270 دولار بالاضافة الى 60 درهم رسوم تخليص.
احنا الواحد منا ياخذ بعض البضايع من امريكا لانها ارخص وبعضنا مسوي بزنس صغيروني على قده ويشتري ويبيع بس بصراحة الحين بيصير ماشي فايدة. سعر الشحن + سعر رسوم الجمارك يخرب عليك فرق السعر اللي المفروض تستفيده واذا اتريد اتاجر يخرب عليه المكسب يعني ماشي فايدة. لا تنسو انه ارامكس زادت سعر الشحن مؤخرا.
يعني باختصار فكرة حلوة جدا من ارامكس راحت على الفاضي!
انا مب فاهم قضية الجمارك هذي اصلا وليش يشرجونا احنا الفقارى.
شو الحل وياهم الحين؟ مب معقوله الناس بتشتري اشياء اقل عن 270 دولار……….!
انا اقترح زيادة المبلغ الى 1000 دولار مثلا يعني شي منطقي مب 1000 درهم.
لازم انوجه لهم رسايل نقترح فيها زيادة مبلغ 270 دولار
شو رايكم يا جماعة الخير؟؟؟
المفروض كلنا انسوي شي و انكلم ارامكس
واكيد الجمارك لازم اتسوي تسهيلات خاصه حق زباين ارامكس
تقدر تخلصها اخوي على 2%
و اذا بضاعة كبيرة تقدر على 1 %
اخي عندي سؤال هم يحسبون كل البضاعه يعني كارتون فيه 5 قطع وكل 4 قطع سعرهم 100 دولار وقطعه على 400 بياخذون بس على ام 400 واله يجمعون الكل وياخذون ومشكور اخي
اقتراح حلو
بس نبغي تفاعل
إقتراح طيب ولكن
هل عندك فكره عن الجمارك وكيفية تخليص البضايع ، لأنه يمكن البضايع اللي سعرها أقل من 1000 دولار كثيره بحيث انه مابيغطي تكلفة تخليص هالبضايع
هذا والله أعلم